U mirny čas min na miažy ź Biełaruśsiu nie budzie — kamandujučy Nacyjanalnymi siłami Łatvii
Supraćtankavyja miny dla ŭzmacnieńnia biaśpieki ŭschodniaj miažy Łatvii mohuć być raźmieščanyja tolki va ŭmovach vajennaha kryzisu. Pra heta ŭ intervju telekanału TV24 zajaviŭ kamandujučy Nacyjanalnymi ŭzbrojenymi siłami (NUS) Leanid Kałnińš, piša Delfi.lv.
Kamientujučy raniejšuju zajavu kiraŭnicy Minabarony Łatvii Inary Murnijecie kamandujučy NUS padkreśliŭ, što viedamstva pakul tolki razhladaje mahčymaje miniravańnie miažy.
«Ja adrazu chaču supakoić łatvijskaje hramadstva, što hałoŭnaje słova tut — acanić», — skazaŭ Kałnińš.
Jon taksama rastłumačyŭ, što ŭ lubym vypadku supraćtankavyja miny nie niasuć niebiaśpieki dla cyvilnaha nasielnictva i žyvioł.
«Dla vybuchu supraćtankavaj miny pavinna być nie mienš za 200 kiłahram cisku niepasredna na adzin kvadratny santymietr. Heta mina ad cisku čałavieka ni ŭ jakim razie nie vybuchnie. […] My pavinny vykanać pracu pa płanavańni, kab być całkam hatovymi na vypadak kryzisu, kali sapraŭdy nieabchodna vykanać usie miery pa zabieśpiačeńni abarony terytoryi Łatvii. […]
Padvodziačy vyniki — u mirny čas tam nijakich minnych paloŭ nie budzie, bo ŭ nas niama bajavych dziejańniaŭ», — skazaŭ na zakančeńnie kamandujučy NUS.
Raniej paviedamlałasia, što Ministerstva abarony Łatvii razhladaje mahčymaść raźmiaščeńnia supraćtankavych min i roznych inšych dadatkovych pieraškod dla ŭzmacnieńnia biaśpieki ŭschodniaj miažy Łatvii, paviedamiła ministr abarony Inara Murnijecie, znajomiačy žurnalistaŭ z abnoŭlenaj kancepcyjaj dziaržaŭnaj abarony.
-
Vieniesueła praz tydzień paśla ziemlatrusu: amal 2300 zahinułych, źnikłych bieź viestak, vierahodna, bolš za 40 tysiač
-
64‑hadovaja žančyna ŭ ZŠA atruciła siabie, dačku i čaćviarych unukaŭ
-
Tramp maje namier pastavić suśvietny rekord pa kolkaści zapuščanych fiejervierkaŭ u dzień 250‑hodździa niezaležnaści ZŠA
Kamientary