У мірны час мін на мяжы з Беларуссю не будзе — камандуючы Нацыянальнымі сіламі Латвіі
Супрацьтанкавыя міны для ўзмацнення бяспекі ўсходняй мяжы Латвіі могуць быць размешчаныя толькі ва ўмовах ваеннага крызісу. Пра гэта ў інтэрв'ю тэлеканалу TV24 заявіў камандуючы Нацыянальнымі ўзброенымі сіламі (НУС) Леанід Калніньш, піша Delfi.lv.
Каментуючы ранейшую заяву кіраўніцы Мінабароны Латвіі Інары Мурніеце камандуючы НУС падкрэсліў, што ведамства пакуль толькі разглядае магчымае мініраванне мяжы.
«Я адразу хачу супакоіць латвійскае грамадства, што галоўнае слова тут — ацаніць», — сказаў Калніньш.
Ён таксама растлумачыў, што ў любым выпадку супрацьтанкавыя міны не нясуць небяспекі для цывільнага насельніцтва і жывёл.
«Для выбуху супрацьтанкавай міны павінна быць не менш за 200 кілаграм ціску непасрэдна на адзін квадратны сантыметр. Гэта міна ад ціску чалавека ні ў якім разе не выбухне. […] Мы павінны выканаць працу па планаванні, каб быць цалкам гатовымі на выпадак крызісу, калі сапраўды неабходна выканаць усе меры па забеспячэнні абароны тэрыторыі Латвіі. […]
Падводзячы вынікі — у мірны час там ніякіх мінных палёў не будзе, бо ў нас няма баявых дзеянняў», — сказаў на заканчэнне камандуючы НУС.
Раней паведамлялася, што Міністэрства абароны Латвіі разглядае магчымасць размяшчэння супрацьтанкавых мін і розных іншых дадатковых перашкод для ўзмацнення бяспекі ўсходняй мяжы Латвіі, паведаміла міністр абароны Інара Мурніеце, знаёмячы журналістаў з абноўленай канцэпцыяй дзяржаўнай абароны.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2020
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх20
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары