U Biełaruś praciahvajuć zavozić taktyčnuju jadziernuju zbroju — Supolnaść čyhunačnikaŭ
Vykanańnie novaha etapu pačałosia na minułym tydni.
Asobnyja etapy dastaŭki kampanientaŭ taktyčnaj jadziernaj zbroi vykananyja. Na stancyju Prudok (Viciebskaje adździaleńnie BČ) u vajskovuju čaść 94017 (2631‑ia avijacyjnaja baza rakietnaha ŭzbrajeńnia i bojeprypasaŭ) u adpaviednaści ź pieršym etapam dastaŭki ŭžo ŭ červieni byli dastaŭleny niekatoryja častki, kampanienty i abstalavańnie, jakija adnosiacca da hetaha typu ŭzbrajeńnia, paviedamlaje «Supolnaść čyhunačnikaŭ Biełarusi».
Akramia taho, u Biełaruś praciahvajecca dastaŭka kamplektaŭ apieratyŭna-taktyčnych rakietnych kompleksaŭ «Iskander-M». Bajavaja častka rakiet hetaha kompleksu moža być vykarystana ŭ tym liku i dla taktyčnych jadziernych zaradaŭ.
Dla zachavańnia maksimalnaj sakretnaści dastaŭki častak taktyčnaj jadziernaj zbroi ažyćciaŭlajucca nievialikimi hrupami pa 3—6 vahonaŭ z vydzialeńniem asobnaha łakamatyva.
Pryčym pry adpraŭleńni sa stancyi Rasijskaj čyhunki ciahnik, u składzie jakoha jość śpiecyjalnyja vahony, źmianiaje svoj numar i indeks pry pierasiačeńni miažy z Maskoŭskaj čyhunkaj i pierad prybyćciom na pieršuju hruzavuju stancyju na terytoryi Biełarusi. Pry kožnaj takoj źmienie numara i indeksa ažyćciaŭlajecca źmianieńnie i stancyi adpraŭleńnia (pryznačeńnia) ciahnika.
Z 26 žniŭnia «Supolnaściu čyhunačnikaŭ» zafiksavany adpraŭki z RČ na BČ vahonaŭ hrupami ad 3-ch da 6-i adzinak, jakija mieli numaracyju ciahnikoŭ, adpaviednuju voinskim ešałonam, i z prykmietami ŭtojvańnia sapraŭdnaj stancyi adpraŭleńnia (i pryznačeńnia) troch sastavaŭ.
Akramia taho, paśla 5 vieraśnia było zaŭvažana jašče dva voinskija ešałony z prykmietami ŭtojvańnia sapraŭdnaj stancyi adpraŭleńnia (i pryznačeńnia).
Pryjom ciahnikoŭ na terytoryju Biełarusi ažyćciaŭlaŭsia praź pieradatačny ŭčastak Krasnaje (RF) — Asinaŭka (RB).
Ahułam zaŭvažana jak minimum piać ciahnikoŭ, jakija padpadajuć pad katehoryju voinskich ešałonaŭ u adpaviednaści z takim rodam hruzu. Kančatkovymi punktami pryznačeńnia hetych ciahnikoŭ na terytoryi Biełarusi źjaŭlajucca stancyi Baranavičy-Paleskija i Łuniniec (Baranavickaje adździaleńnie BČ).
Akramia taho, jašče treba budzie ździejśnić kala troch «adpravak» na stancyju Prudok (Viciebskaje adździaleńnie BČ) kampanientaŭ taktyčnaj jadziernaj zbroi i źviazanaha ź im abstalavańnia, zapłanavanych na kastryčnik — listapad 2023 hoda sa stancyj RČ.
Ciapier čytajuć
U Asipovičach imkliva razbudoŭvajuć infrastrukturu. Imavierna, dla rasijskaj jadziernaj zbroi6
Kamientary