U subotu ŭ Vilni projdzie IV fiestyval biełaruskaj pieśni «Staraja Biełaruś»

IV fiestyval «Staraja Biełaruś» projdzie 16 vieraśnia (subota) u Kulturnym centry ŭ Novaj Vilni.

Prezident Biełaruskaha kulturnaha tavarystva ŭ Litvie Alaksandr Adamkovič u hutarcy z Kurjer Wilenski paviedamiŭ, što ŭsie fiestyvalnyja mierapryjemstvy prachodzili ŭ hetym staličnym rajonie. Vybar miesca nie byŭ vypadkovym.

— Novaja Vilnia (abo Novaja Vialejka) — heta mienavita toje miesca ŭ stalicy, dzie žyvie bolš za ŭsio biełarusaŭ. Naprykład, praviadzieńnie takoj viečaryny ŭ Fabijoniškach nie mieła b asablivaha sensu, bo ŭ Novaj Vilni hledačoŭ zaŭsiody budzie bolš, — adznačaje surazmoŭca.

Rajon na poŭnačy Vilni

«Pradstaŭlajučy biełaruski falkłor i biełaruskija tradycyi, my chočam dapamahčy biełarusam zachavać svaju nacyjanalnuju identyčnaść», — tłumačyć Alaksandr Adamkovič.

U svoj čas aktyvisty biełaruskaj mienšaści vyrašyli, što biełarusy pavinny mieć svoj ułasny falkłorny fiestyval. Piać hadoŭ tamu ŭdzielniki mierapryjemstva ŭ narodnych kaściumach prajšli pa vulicach Novaj Vilni. Sioleta ad šeścia admovilisia. Pieršy fiestyval prajšoŭ u himnazii Žaros, a astatnija — na scenie miascovaha kulturnaha centra.

— Heta budzie fiestyval biełaruskaha falkłoru. Na fiestyvali vystupiać vykanaŭcy z roznych krain. Litvu, u pryvatnaści, pradstavić kamanda Turgielanka, jakaja vystupić na našym mierapryjemstvie treci raz, — kaža A. Adamkovič.

Fiestyval nie budzie abmiažoŭvacca tolki kancertami, taksama źjaviacca stendy z tradycyjnymi ramiostvami i biełaruskimi knihami.

Polskija i łatvijskija kamandy

Sioleta na fiestyvali vystupiać nie tolki kamandy ź Litvy, ale i hości z-za miažy. U Vilniu pryjeduć polskija hurty Żemerwa i Osoczniki, jakija paznajomiać vilenskuju publiku ź biełaruskim falkłoram z Padlašša i Paleśsia. Fiestyval taksama prymie hrupu z Łatvii ABRA. Adnak nie budzie vykanaŭcaŭ ź Biełarusi.

— Na hety momant nijakich adnosin z kulturnymi dziejačami ź Biełarusi ŭ nas niama. Tyja, z kim my razmaŭlali, daŭno źjechali. Z tymi, chto supracoŭničaje z Łukašenkam, my nie chočam uzajemadziejničać. Heta naš pryncyp, — tłumačyć Alaksandr Adamkovič.

Arhanizoŭvajučy ciapier fiestyval biełaruskaj kultury, jak padkreślivaje suarhanizatar mierapryjemstva, ciažka abyści palityku, tym nie mienš «Staraja Biełaruś» budzie nasić stroha kulturny charaktar.

Biełarusy ŭ Litvie

Pavodle pierapisu nasielnictva 2021 hoda, biełaruskaja mienšaść składała bolš za 28 tysiač čałaviek. Ciapier kolkaść biełarusaŭ, jakija žyvuć u Litvie, značna bolšaja. Paśla falsifikavanych prezidenckich vybaraŭ 2020 hoda i nastupnych represij Biełaruś pakinuli tysiačy čałaviek. Pavodle danych Departamienta mihracyi, ich moža być da 60 tysiač čałaviek.

«Meta fiestyvalu — paznajomić publiku ź biełaruskim falkłoram i tradycyjami. Takim čynam my chočam dapamahčy biełarusam zachavać svaju nacyjanalnuju identyčnaść. Heta vielmi składanaja zadača. Niama nikoha, chto moh by nam u hetym dapamahčy. U nas niama ŭłasnaj dziaržavy, bo jana całkam zaležyć ad Rasii. Kali my chočam vyžyć, my možam spadziavacca tolki na svaje siły», — reziumuje Alaksandr Adamkovič.

Pavialičyć

• 3
• 0
• 1
• 0
• 0
• 0
• 1
• 0