Hramadstva1212

«Płakali tannyja krupy i zuby!» Što žychary Dźvinska kažuć pra mahčymaje zakryćcio pamiežnaha punkta na miažy ź Biełaruśsiu

Łatvija rychtujecca zakryć adzin z dvuch pahranpunktaŭ na miažy ź Biełaruśsiu — u Silene (ź biełaruskaha boku Urbany) — dla baraćby ź nielehalnaj mihracyjaj. Prajekt rychtuje MUS, ale terminy pakul nieviadomyja, piša Delfi.lv.

Punkt propusku «Silene». Fota: tuda-suda.by

Dla žycharoŭ pamiežnaj zony heta drennaja navina — biełarusy, jakija žyvuć u Łatvii, karystalisia punktam, kab naviedvać mahiły, a niebahatyja žychary Dźvinska i Vierchniadźvinskaha kraju Łatvii — kab kupić tannyja pradukty, bienzin, lačyć i pratezavać zuby. Dalnabojščyki taksama nie chavajuć niezadavolenaści — čerhi la adzinaha pakinutaha punkta vyrastuć. Dy i znachodziacca Paternijeki (ź biełaruskaha boku Hryharoŭščyna) daloka — plus 200 km tudy i nazad.

«Bienzin u Biełarusi tańniejšy ŭdvaja-utraja. Krupy — kapiejki. Hrečka — inšaja. Pa mnie, dyk smačniejšaja. Jajki nie skažu, što tańniejšyja, ale jany ž tam sapraŭdnyja, pa standarcie jakaści źniesienyja… A hałoŭnaje — dzie nam ciapier zuby lačyć? Naša dziaržava pra heta padumała?!» — pieraličvaje śpis strat ad zakryćcia punkta Silene žycharka Dźvinska.

Da Novaha hoda hramadzianie i niehramadzianie Łatvii mohuć bieź vizy jeździć u Biełaruś. Niahledziačy na nieadnarazovyja papiaredžańni łatvijskaha MZS, što ŭ situacyi vajny Rasii z Ukrainaj i niepasrednaha ŭdziełu ŭ joj Alaksandra Łukašenki padarožžy hetyja niebiaśpiečnyja, ruch praz pahranpunkt Silene davoli aktyŭny.

Načalnik pahranpunkta Silene padpałkoŭnik Siarhiej Krasoŭskis paviedamiŭ Łatvijskamu radyjo, što ŭ vieraśni ŭ hetym miescy miažu pierasiakali ŭ siarednim 160 hruzavych aŭtamabilaŭ i 290 lehkavych aŭtamabilaŭ za sutki, u siarednim 900 čałaviek. Asnoŭnyja pryčyny pierasiačeńnia miažy — naviedvańnie svajakoŭ, šopinh i miedycynski turyzm.

Ciapier u Łatvii dziejničajuć dva lehalnyja punkty pamiežnaha kantrolu na darohach (Silene i Paternijeki) i adzin na čyhuncy (Indra). Try punkty pierasiačeńnia miažy, jakija zakrylisia jašče ŭ pandemiju, tak i nie adkrylisia — «praz ahresiŭnyja pavodziny Biełarusi pry adpraŭcy imihrantaŭ u Łatviju».

Krasoŭskis pryznaŭ, što patok aŭtamabilaŭ pavialičyŭsia ŭ žniŭni, kali zakrylisia mnohija pamiežnyja punkty na miažy Biełarusi z Polščaj i Litvoj. Kali zakryjuć Silene, to lehkavym aŭtamabilam i hruzapieravozčykam pryjdziecca mieć spravu z doŭhimi čerhami.

Nahadajem, što na biełaruska-litoŭskaj miažy zastalisia čatyry punkty propusku, na polskaj zastaŭsia adzin punkt propusku dla lehkavych aŭtamabilaŭ.

Kamientary12

  • Eŭrazastabiłam plavać na biełarusaŭ
    15.09.2023
    Jak kazaŭ Čerčyl: kali žadaješ rasčaravacca ŭ demakratyi, to parazmaŭlaj z brytancam.
    Čarkaskvaračniki , jakija vyraśli pry savietach adnolkavyja va ŭsiech krainach
  • Druhi pozirk
    15.09.2023
    A čaho nie pišacie pra Brasłaŭ? Brasłaŭ pieratvarajecca ŭ tupik, navošta stolki zapravak, chto budzie zapraŭlacca va Urbanach, chto budzie kuplać tavary ŭ vialikich kramach, što budzie z małym biźniesam? A Daŭhaŭpiłs tolki vyjhraje, bo mienš buduć jeździć ŭ Biełaruś, bolš hrošaŭ buduć tracić na miescy.
  • Kotya
    15.09.2023
    Kakoj-to sovok v hołovach, jeŝie dumajut čto u nas kačiestvieńnieje 😂

Ciapier čytajuć

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?7

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Usie naviny →
Usie naviny

Rasijskija špijony sačyli za Hrozievym z dapamohaj špijonskich akularaŭ. Voś jak heta było

Stała viadoma, jakim moža być «lohki pieršy krok» Trampa, kali Rasija praihnaruje jahony ultymatum4

Siarhiej Bulba nazvaŭ rospusk «Paspalitaha rušeńnia» «hłybinnym pierafarmatam»

BDU padvioŭ vyniki ŭstupnaj kampanii. Stali viadomyja samyja papularnyja śpiecyjalnaści

Rasija razhladaje prapanovu ab «pavietranym pieramirji» z Ukrainaj, ale biez spynieńnia vajny10

Navukoŭcy vyśvietlili, čamu ŭ Cichim akijanie vymierli miljardy marskich zorak4

Biełarus znajšoŭ manietu I stahodździa. Ci možna na joj uzbahacicca?2

Tramp zajaviŭ, što, «napeŭna», nie pojdzie na treci termin2

«Fłahštok» skłaŭ kartu načnych pralotaŭ dronaŭ nad Homielščynaj. Situacyja niezvyčajnaja6

bolš čytanych navin
bolš łajkanych navin

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?7

Piać hadoŭ tamu «dydžei pieramien» uklučyli Coja na dziaržaŭnym mierapryjemstvie. Što ź imi ciapier?

Hałoŭnaje
Usie naviny →

Zaŭvaha:

 

 

 

 

Zakryć Paviedamić