Ad siońnia ŭviedziena abaviazkovaja płatnaja dezynfiekcyja transpartu na miažy. Kolki kaštuje pasłuha
Jana dziejničaje z 1 maja, ale siońnia stała płatnaj.
Z 16 vieraśnia ŭ Biełarusi na miažy ź Litvoj, Łatvijaj i Polščaj uvodzicca abaviazkovaja płatnaja pasłuha — dezynfiekcyja luboha aŭtatranspartu, piša Blizko.by.
Jana dziejničaje z 1 maja, ale siońnia stała płatnaj.
Kab prajści dezynfiekcyju, kiroŭcu treba apłacić jaje ŭ kasie banka abo ŭ strachavoj kampanii, paśla čaho jon atrymaje elektronny bilet z QR-kodam, jaki treba pakazać pamiežniku. I ŭžo paśla vyjezdu z punkta propusku mašyna pavinna adpravicca na stancyju dezynfiekcyi.
- Kiroŭca lehkavoha aŭto zapłacić za heta 2 rubli.
- Kiroŭca aŭtobusa — 30 rubloŭ.
- Kiroŭca hruzavika — 95 rubloŭ.
U chutkim časie pasłuhu pavinny buduć źmiaścić u sistemie ARIP i padklučyć da apłaty terminały samaabsłuhoŭvańnia.
Rastvor, jakim dezynfikujuć, byccam zabivaje niebiaśpiečnyja dla sielskaj haspadarki bakteryi i virusy, naprykład, tuju ž afrykanskuju čumu śviniej.
Takim čynam, u pieršuju čarhu pryznačeńnie dezynfiekcyi vieterynarnaje. Paviedamlajecca, što pracedura nie psuje kuzava i nie akazvaje niehatyŭnaha ŭździejańnia na čałavieka.
Uvieś hety kompleks mierapryjemstvaŭ praduhledžany adpaviednym narmatyŭnym aktam, jaki Łukašenka padpisaŭ jašče ŭ krasaviku 2022 hoda.
Kamientary