Ад сёння ўведзена абавязковая платная дэзынфекцыя транспарту на мяжы. Колькі каштуе паслуга
Яна дзейнічае з 1 мая, але сёння стала платнай.
З 16 верасня ў Беларусі на мяжы з Літвой, Латвіяй і Польшчай уводзіцца абавязковая платная паслуга — дэзынфекцыя любога аўтатранспарту, піша Blizko.by.
Яна дзейнічае з 1 мая, але сёння стала платнай.
Каб прайсці дэзынфекцыю, кіроўцу трэба аплаціць яе ў касе банка або ў страхавой кампаніі, пасля чаго ён атрымае электронны білет з QR-кодам, які трэба паказаць памежніку. І ўжо пасля выезду з пункта пропуску машына павінна адправіцца на станцыю дэзынфекцыі.
- Кіроўца легкавога аўто заплаціць за гэта 2 рублі.
- Кіроўца аўтобуса — 30 рублёў.
- Кіроўца грузавіка — 95 рублёў.
У хуткім часе паслугу павінны будуць змясціць у сістэме АРІП і падключыць да аплаты тэрміналы самаабслугоўвання.
Раствор, якім дэзынфікуюць, быццам забівае небяспечныя для сельскай гаспадаркі бактэрыі і вірусы, напрыклад, тую ж афрыканскую чуму свіней.
Такім чынам, у першую чаргу прызначэнне дэзынфекцыі ветэрынарнае. Паведамляецца, што працэдура не псуе кузава і не аказвае негатыўнага ўздзеяння на чалавека.
Увесь гэты комплекс мерапрыемстваў прадугледжаны адпаведным нарматыўным актам, які Лукашэнка падпісаў яшчэ ў красавіку 2022 года.
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам5
Каментары