Novy łatvijski ŭrad zrabiŭ budaŭnictva płota na miažy ź Biełaruśsiu adnoj z asnoŭnych svaich zadač
U suviazi z pahrozaj nielehalnaj mihracyi, jakaja raście, u Łatvii vyrašyli źmianić paradak pryjarytetnych rabot i pierš za ŭsio zaviaršyć budaŭnictva płota na miažy ź Biełaruśsiu.
Načalnik Pahraničnaj achovy Łatvii Huntys Pujats nastojvaje na tym, što Ryzie treba jak maha chutčej dabudoŭvać płot.
«Płot, kali vialikaja hrupa, to, kab praleźci pa adnym, im treba dastatkova šmat času, i, viadoma, heta daje nam mahčymaść reahavać i parušalnikaŭ pierachoplivać blizka da hranicy», — adznačyŭ jon.
Pavodle źviestak łatvijskich uładaŭ, za apošnija dva tydni kolkaść sprobaŭ pierajści hranicu krainy rezka ŭzrasła, tady jak pahraničny płot byŭ paškodžany ŭ 57 miescach. Taksama zafiksavany vypadak vykarystańnia impravizavanaj leśvicy.
Raniej paviedamlałasia, što Estonija adpravić u Łatviju pradstaŭnikoŭ Departamienta palicyi i pahraničnaj achovy dla supraćdziejańnia nielehałam, jakija sprabujuć trapić u krainu praź miažu ź Biełaruśsiu. Pierad hetym stała viadoma, što ŭ Łatviju ŭžo prybyli 20 litoŭskich pahraničnikaŭ.
Akramia taho, u suviazi z pavieličeńniem kolkaści sprobaŭ nielehalnaha pierasiačeńnia łatvijska-biełaruskaj miažy Łatvija moža zakryć adzin z punktaŭ propusku.
Kamientary