«Padkreślena, pabačyŭšy mianie z Azaronkam, pačynajuć razmaŭlać na biełaruskaj movie». Prapahandyst Pustavy pabačyŭ pakuty ŭ vačach biełarusaŭ
Adyjozny prapahandyst Jaŭhien Pustavy ŭ efiry telekanała STB padzialiŭsia prykładam «niaščyraha patryjatyzmu», jaki jon zaŭvažaje ŭ niekatorych biełarusach. Markieram vystupiła biełaruskaja mova.
«Davajcie ščyra, biełarusy dumajuć na ruskaj movie. Ja b chacieŭ, moža być, kab jany dumali pa-biełarusku, ale jany dumajuć pa-rusku. Kali ja pišu ŭ biełaruskamoŭnuju presu, ja mahu pierastroicca, dumać pa-biełarusku, a potym znoŭ viarnucca da ruskaj movy.
Ale navat tyja, chto padkreślena, pabačyŭšy mianie z Azaronkam dzie-niebudź u haradskim transparcie, pačynaje razmaŭlać na biełaruskaj movie. Ja ž baču pakuty pierakładu ŭ ich vačach.
Ja chaču skazać, što ja biełaruskuju movu viedaju lepš za ich, choć u mianie ruskija karani», — skazaŭ Pustavy.
Varta adznačyć, što arhumient «ja viedaju biełaruskuju movu lepš za ich, ale nie razmaŭlaju na joj, bo ja nie taki…» zusim nie aryhinalny, jon jakraz-taki vielmi typovy dla mietadyčak rusifikataraŭ. Pry hetym demanstravać uzrovień viedańnia movy, dy navat prosta fakt vałodańnia joj, ludzi, jakija hetym «arhumientam» apierujuć, čaściej za ŭsio admaŭlajucca. Jak i toj ža Pustavy, jaki padčas svajoj tyrady pramoviŭ usiaho tolki paru vymučanych biełaruskich słoŭ.
Łukašenkaŭski prapahandyst sprabuje pratačycca ŭ emihranckija koły
«Jašče raz, chto na kaho napaŭ: Ukraina na nas, ci Rasija na Ukrainu? Voś chto napaŭ, toj nie maje racyi. I chopić p*** na hetu temu» — Andrej Makarevič daŭ adłup rasijskamu prapahandystu
Pahladzieli film «Na inšym bierazie». Raskazvajem siužet i toje, što pabačyli ŭ kinateatry
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale9
Kamientary
!!! razmaŭlać na rodnaj biełaruskaj movie, kali ŭbačym vaš tvar (jašče zapomnić treba) ci azaronkaŭ!!!!!!