Šukajem ruskamoŭnaha aŭtara dla tyktoka i žurnalista dla pracy ŭ videa
«Naša Niva» maje novyja vakansii. Voś kaho my hatovyja ŭziać na pracu prosta ciapier.
Naša Niva. Nadpis, zhienieravany niejrasietkaj glif.app
1) Čałavieka, jaki choča rabić tyktoki (hetym razam treba ruskamoŭny)
Zadača — i pisać teksty dla tyktokaŭ, i zdymacca. Bazavyja patrabavańni — treba być dobrym apaviadalnikam, umieć apisvać padziei, farmulavać naviny i, biezumoŭna, dobra trymacca ŭ kadry. Patrebnyja razumieńnie infarmacyjnaha kantekstu, adčuvańnie važnaha ci cikavaha.
2) Žurnalista, jaki choča pracavać ź videa, pisać scenary videasiužetaŭ
Nam patrebnyja ludzi, zdolnyja pisać scenary dla videasiužetaŭ (partretnych i pra padziei). Bazavaje patrabavańnie — umieńnie dobra pisać. Akramia taho, treba ŭmieć šukać infarmacyju, u tym liku raspytvać ludziej. Kali vy pry hetym hatovyja pracavać i ŭ kadry — vialiki dadatkovy plus. Žurnaliscki abo jutubierski dośvied — pieravaha pry adbory. Kali vy majecie žurnaliscki dośvied, ale nikoli nie pracavali ź videa — nie biada. Kali vy hatovyja vučycca, to pišycie nam z prykładami svaich tekstavych publikacyj.
3) Majecie idei svaich prahram u tyktoku i jutubie?
Stukajciesia da nas, my hatovyja razhladać.
Praca pa aficyjnaj damovie, zarobak na kartku, Redakcyja dapamahaje ŭ lehalizacyi. Vydatny kalektyŭ.
Dasyłajcie svaje prapanovy + infarmacyju pra siabie + spasyłki na svaje sacyjalnyja sietki + usio, što moža śviedčyć na vašu karyść na [email protected]. Možna vysyłać i pryvatna ŭ sihnał i telehram tym redaktaram i žurnalistam «Našaj Nivy», jakich vy viedajecie asabista, kali vy ličycie heta bolš biaśpiečnym dla siabie.
Ciapier čytajuć
Dziaržaŭnyja sacyjołahi: Biełarusy najpierš źviazvajuć svaju dziaržaŭnaść ź Vialikim Kniastvam Litoŭskim10
Kamientary
Jak nie ekśpiert u spravie nacyjanalnaha adradžeńnia, jakoha publikuje NN, tak kožny raić biełarusam stvarać bolš biełaruskamoŭnaha kantentu, kožny bačyć prablemu, što takoha kantentu vielmi brakuje, jaho mała adnosna kantentaŭ na luboj inšaj susiedniaj i nie vielmi movie. A tut... Naša Niva... Rasijskamoŭny tyktokier... Dy ŭ vas biełaruskamoŭnych pavinna być 5 čałaviek na roznyja sfry žyćcia, kamu-kamu, a vam navošta rasijskamoŭny?