«Adrazu padumała, heta Čarnobylskaja zona». Videa ź biełaruskaha ahraharadka pužaje biespraśvietnaściu
Siarhiejevičy — ahraharadok u Puchavickim rajonie Minskaj vobłaści. Mieścicca za 58 kiłamietraŭ ad Minska. Videa ŭ tyktoku adtul sabrała bolš za 120 tysiač prahladaŭ i kala 800 kamientaroŭ. Karystalniki nazvali heta miesca biełaruskim Sajlent Chiłam.
Na apublikavanym u tyktoku videa — biełaruski ahraharadok, to-bok nie zakinutaja vioska. Mienavita za ahraharadkami bačyć budučyniu Alaksandr Łukašenka, pra što jon niadaŭna kazaŭ. Zakinutyja damy, pavalenyja płaty, zabityja vokny, šeraść i biaźludnaść — takim pabačyŭ Siarhiejevičy aŭtar videa.
Šmat chto z čytačoŭ staŭ vinavacić samich žycharoŭ u takim stanie.
«Možna kala doma navieści paradak. Miesca dla aharodu jość, kab svajo było. Sami daviali, pracavać nie žadajuć».
«A kali pakasić, paradak navieści ŭ dvary, dzie žyvieš, ciul čystuju paviesić, i ŭžo vyhlad źmienicca, kłumby nidzie niama. Heta zaležyć ad žycharoŭ», — pisali takoje adny.
Druhija tłumačyli, što sprava ŭ palitycy ŭładaŭ, jakija daviali biełarusaŭ da takoha zaniadbanaha stanu.
«Dakładna. I dom pafarbavać, i ŭ padjeździe ramont zrabić. Na darozie jamy załadzić. Samim stvaryć pradpryjemstvy dla pracoŭnych miescaŭ. Zarpłatu samim sabie płacić».
«Jaki paradak? U padjeździe ŭsie vokny zabityja, ludzi ŭsio paŭciakali, niama pracy. Pra jaki paradak havaryć, kali niama što jeści?»
«U kožnym rajonie takich mora damoŭ, jašče hadoŭ 10-15 — i ŭ kałhasach pracavać niama kamu budzie».
«Vy dumajecie sprava ŭ fasadzie? A moža ŭ najaŭnaści stabilnaha i pastajannaha hodnaha zarobku?»
«U maim horadzie dvuchpaviarchoviki, u centry horada, biez vodapravoda i kanalizacyi da hetaha času stajać».
«A pa ekranie nam havorać, što my ŭ šakaładzie…»
«U Viciebskaj vobłaści hetak ža».
«Tak va ŭsich abłaściach».
«Chutka studenty padjeduć pa raźmierkavańni».
«Adrazu padumała, heta Čarnobylskaja zona».
«Voś tak vyhladaje stabilnaść».
«Čamu tak strašna?»
-
U Bierazinie pračnulisia pčoły. Dziaŭčynka, jakaja ich pabačyła, skaryła tyktok
-
«Biełarusy i ŭ Dubai biełarusy». Jak suajčyńniki arhanizavali dapamohu tym, chto nie moža viarnucca damoŭ praz zakrytaje nieba
-
«Pad kaniec adpačynku daviedalisia, što tut niama schoviščaŭ». Biełarusy, što znachodziacca ŭ AAE, raskazali, jak im tam ciapier
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary