U Słucku pačaŭsia sud nad baćkami, jakich vinavaciać u zabojstvie trochhadovaha syna
Trochhadovy Siamion pamior ad čerapna-mazhavoj traŭmy 14 studzienia. Siońnia ŭ Słucku pačaŭsia razhlad spravy pa jaho zabojstvie ŭłasnymi baćkami, piša «Minskaja praŭda».
Abvinavačanyja — Anastasija Taratuta 1985 hoda naradžeńnia i Alaksandr Taratuta 1975 hoda naradžeńnia. Ich zatrymali sioleta 15 studzienia, paśla trahiedyi, jakaja zdaryłasia ŭ noč na Stary Novy hod.
Jak pisali miedyja, chłopčyka štotydzień sistematyčna rukami, nahami, «nieŭstanoŭlenym tupym pradmietam» źbivali baćki ŭ stanie ałkaholnaha apjanieńnia na hlebie asabistych niepryjaznych adnosin da syna.
Baćki naŭmysna pryčyniali małomu praciahły bol, nie karmili, jon haładaŭ i byŭ daviedzieny da źniasileńnia.
Chłopčyk spaŭ na kuchni, prosta na linoleumie.
Što stała pryčynaj takoj nianaviści da dziciaci, pakul nieviadoma.
Pra maci, Nastu Taratuta, viadoma, što jana ŭradženka Karelii, maje rasijskaje hramadzianstva. Da dekretnaha vodpusku pracavała ŭ Domie pobytu Słuckaj fabryki pašyvu adzieńnia.
Baćku pahražaje najvyšejšaja miera pakarańnia ci pažyćciovaje źniavoleńnie, a maci — da 25 hadoŭ turmy.
U pary, akramia zahinułaha chłopčyka, jašče čaćviora dziaciej, ź jakich dvoje — ad pieršych šlubaŭ abvinavačanaj. Astatnija troje dziaciej zabrany ź siamji.
Hetu historyju čytajcie tut:
Kamientary