Kala traciny biełarusaŭ sutykalisia z uzłomam staronak u sacyjalnych sietkach
Kampanija Kaspersky praviała apytańnie ŭ roznych haradach Biełarusi i pryjšła da vysnovy, što 28% respandentaŭ rabilisia achviarami ŭzłomu ŭlikovaha zapisu ŭ sacyjalnych sietkach. U apytańni ŭziali ŭdzieł bolš za 500 čałaviek u Minsku, Mahilovie, Homieli, Viciebsku, Hrodnie i Breście, paviedamlaje Office Life.
Jak raskazali vydańniu ŭ kampanii, jašče 14% udzielnikaŭ apytańnia adznačyli, što z padobnaj prablemaj sutykalisia ich blizkija.
Śpiecyjalisty Kaspersky padkreślivajuć, što ŭlikovyja zapisy mohuć padviarhacca ŭzłomam nie tolki ŭ vyniku składanych šmatstupieńčatych kibieratak. Časta złamyśnikam spryjaje chałatnaść karystalnikaŭ.
Naprykład, kožny treci pryznavaŭsia, što pieradavaŭ svaje danyja dla ŭvachodu blizkim, a nie mianiali paśla hetaha parola bolš za pałovu respandentaŭ. Pry hetym kožny čaćviorty vykarystoŭvaje padobnyja adzin da adnaho paroli ŭ roznych servisach i sacyjalnych sietkach, što palahčaje zadaču złamyśnikam.
Kab abaranić ulikovyja zapisy ad uzłomu, ekśpierty pa kibierbiaśpiecy rekamiendujuć:
- stvarać składanyja ŭnikalnyja paroli. Nadziejny parol składajecca jak minimum z 12 simvałaŭ, u ideale — bolš, i źmiaščaje spałučeńnie vialikich i małych litar, ličbaŭ i śpiecyjalnych simvałaŭ;
- vykarystoŭvać dvuchfaktarnuju aŭtentyfikacyju va ŭsich servisach, dzie heta mahčyma;
- nikomu nie paviedamlać danych z SMS i push-apaviaščeńniaŭ.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary