Hruzavik urezaŭsia ŭ lehkavik na trasie. Zahinuła maci šaściarych dziaciej
Zdareńnie adbyłosia 24 vieraśnia na trasie M10 (miaža RF — Homiel — Kobryn). Hruzavik urezaŭsia ŭ lehkavy Renault, jaki vykonvaŭ levy pavarot. Kiroŭca hruzavika byŭ pjany, piša Hienprakuratura.
Pavodle materyjałaŭ spravy 59-hadovy žychar Ščučynskaha rajona 24 vieraśnia na hruzavym aŭtamabili MAN ruchaŭsia pa trasie M-10 u napramku Bresta. Kala 19 hadzin 10 chvilin jon ździejśniŭ sutyknieńnie ź lehkavym aŭtamabilem Renault Duster, jaki vykonvaŭ manieŭr levaha pavarotu.
Kali piaredniaja častka Renault Duster apynułasia na sustrečnaj pałasie, u jaho ŭrezaŭsia hruzavik.
Žančyna 1985 hoda naradžeńnia, kiroŭca Renault, ad atrymanych traŭmaŭ pamierła pa darozie va ŭstanovu achovy zdaroŭja.
U jaje zastałosia šaściora niepaŭnaletnich dziaciej.
Vidavočcy DTZ rastłumačyli, što žančyna zahadzia ŭklučyła ŭ svaim aŭtamabili pakazalnik levaha pavarotu. Pierakanaŭšysia ŭ adsutnaści pieraškod dla manieŭru, jana stała vyjazdžać na pałasu sustrečnaha ruchu dla pavarotu. Pry hetym kiroŭca hruzavika ŭ parušeńnie PDR prystupiŭ da abhonu lehkavoha aŭtamabila ź levaha boku.
Ekśpiertyza pakazała, što abvinavačany sieŭ za rul u niećviarozym vyhladzie: utrymańnie pary etyłavaha śpirtu skłała 2,2 pramile.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary