Iran vypuściŭ banknotu najbujniejšaha ŭ historyi krainy naminału. Heta ŭsiaho 7 dalaraŭ pa kursie
Banknotu na 10 miljonaŭ ryałaŭ vypuścili na chvali ažyjatažnaha popytu na najaŭnyja hrošy.
Centralny bank Irana vypuściŭ u abaračeńnie banknotu na 10 miljonaŭ ryałaŭ — heta samy bujny naminał u historyi krainy. Ale heta ŭsiaho kala 7 dalaraŭ ZŠA, piša Financial Times.
Raniej samaj vialikaj kupiuraj było 5 miljonaŭ ryałaŭ. Jaje ŭviali ŭ abaračeńnie ŭ pačatku lutaha.
Novaja kupiura patrebna, kab zabiaśpiečyć dostup hramadskaści da najaŭnych hrošaj, zajaviŭ Centrabank.
U Iranie ciapier ažyjatažny popyt na najaŭnyja hrošy, bo ludzi bajacca, što elektronnyja płaciežnyja sistemy mohuć pierastać pracavać. Irancy stajać u čerhach u banki, kab źniać hrošy z rachunkaŭ. A banki ŭvodziać limity na vydaču najaŭnych.
U pačatku lutaha inflacyja ŭ Iranie, pa aficyjnych danych, składała 47,5% u hadavym vymiareńni.
Kamientary