Kampanija Amazon daść miljon dalaraŭ tamu, chto sfatahrafuje sapraŭdnych pryšelcaŭ
Ale nie ŭsio tak prosta. Dla vyjhryšu ŭ konkursie važny mienavita sam sposab zdymki.
Vytvorca razumnych dźviarnych zamkoŭ Ring, jaki naležyć bujnoj amierykanskaj kampanii Amazon, abviaściŭ ab pačatku niezvyčajnaha konkursu z pryzavym fondam u adzin miljon dalaraŭ. Usio, što treba zrabić — heta źniać na fota ci videa realnych inšapłaniacian, ale nie vykarystoŭvajučy pry hetym zvyčajnyja kamiery ci telefony.
Jak piša vydańnie Daily Mail, hałoŭnaj umovaj atrymańnia ŭznaharody źjaŭlajecca źniaćcie pryšelca mienavita na kamiery razumnych dźviarnych zamkoŭ ad Ring.
«Voś užo amal 100 hadoŭ roznyja navukoŭcy, ekśpierty i navat zvyčajnyja domaŭładalniki dzialilisia historyjami i videa ab pazaziamnych haściach. Z ulikam usich daśledavańniaŭ ab mahčymaściach i dokazach pazaziamnoha žyćcia, naohuł nie vyklučana, što pryšelcy mohuć raptam apynucca i na parozie vašaha ŭłasnaha doma.
Tamu tyja, chto padaść nam pramyja dokazy isnavańnia pryšelcaŭ pry dapamozie našych dźviarnych zamkoŭ, zmohuć atrymać pryz u adzin miljon dalaraŭ», — skazana ŭ aficyjnym konkursnym anonsie kampanii Ring.
Pry hetym u kampanii adznačyli, što kali realnych inšapłaniacian źniać na dźviarny zamok usio ž nie atrymajecca, to dapuskajucca i «tvorčyja rašeńni».
Hetyja rešeńni praduhledžvajuć źniaćcie chvilinnaha rolika na dźviarny zamok, na jakim možna prykinucca pryšelcam pry dapamozie kaściumaŭ, hrymu, rekvizitaŭ, štučnych transpartnych srodkaŭ abo kampjutarnych efiektaŭ. Hetyja videa aceniać pa ŭzroŭniach kreatyŭnaści, praŭdapadabienstva i humaru, ale ŭznaharoda za ich užo budzie składać tolki 500 dalaraŭ u vyhladzie padarunkavaj karty ad Amazon.
Sam konkurs ad Ring i Amazon praciahniecca da 3 listapada ŭklučna, i ŭ im mohuć uziać udzieł tolki paŭnaletnija hramadzianie ZŠA. Uznaharoda ŭ miljon dalaraŭ, kali niechta jaje vyjhraje, budzie vypłačvacca nie adrazu, a pa 50 tysiač dalaraŭ štohod na praciahu 20 hadoŭ.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ8
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj13
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»4444
Kamientary