U Indaniezii novy padviesny most pierakuliŭsia padčas uračystaha adkryćcia. Ludzi ŭpali z vyšyni
U vioscy Marhačynta na Zachodniaj Javie ŭ Indaniezii padčas uračystaha adkryćcia novaha padviesnaha mosta adbyłosia nadzvyčajnaje zdareńnie. Kanstrukcyja daŭžynioj 60 mietraŭ pačała mocna chistacca, a zatym pierakuliłasia nabok paśla taho, jak adzin z asnoŭnych trosaŭ nie vytrymaŭ nahruzki.
Na most adnačasova vyjšli kala 50 čałaviek, choć pavodle patrabavańniaŭ biaśpieki na im adnačasova mahli znachodzicca tolki troje. Ludzi ŭpali z vyšyni prykładna 20 mietraŭ, častka ź ich sprabavała ŭtrymacca za trosy i pravady.
Niahledziačy na niebiaśpiečnuju situacyju, adnak, abyšłosia biez zahinułych. Niekalki čałaviek atrymali lohkija traŭmy, siarod paciarpiełych byŭ i kiraŭnik miascovaha departamienta hramadskich rabot.
Starasta vioski Endženh Anvar Salichin raskazaŭ, što pierad zdareńniem most pačaŭ prykmietna razhojdvacca z boku ŭ bok. Ludzi zrazumieli, što adbyvajecca niešta niebiaśpiečnaje, ale adreahavać nie paśpieli, bo ŭsio adbyłosia za ličanyja siekundy.
Pradstaŭnik indaniezijskaj armii bryhadny hienierał Doni Pramona ŭdakładniŭ, što most całkam nie abrynuŭsia. Pavodle jaho słoŭ, z-za praźmiernaj kolkaści ludziej i vialikaj nahruzki levy padviesny tros adčapiŭsia ad macavańnia, u vyniku čaho ŭsia kanstrukcyja nachiliłasia nabok.
Paśla zdareńnia most časova zakryli dla ruchu. Śpiecyjalisty pravodziać nieabchodny ramont i ŭzmacniajuć miery biaśpieki.
Natalla Kalehava raskazała pra dapamohu biełaruskim uciekačam, svaju siamju, staŭleńnie da Cichanoŭskaj. I patłumačyła, chto takija «babry» i «zajcy»34
Kamientary
Niaŭžo jany takija niedalokija, što nie viedajuć roźnicu pamiž 3 i 50?