Aficyjny Minsk vykazaŭ «surjoznuju zaniepakojenaść u suviazi z rezkim abvastreńniem situacyi ŭ Izraili»
«Ličym nieprymalnaj lubuju prajavu ahresii, a achviary siarod mirnaha nasielnictva — niedapuščalnymi», — padkreślili ŭ MZS.
Biełaruś vykazała surjoznuju zaniepakojenaść u suviazi z rezkim abvastreńniem situacyi ŭ Izraili, jakoje supravadžajecca čałaviečymi achviarami. Pra heta BiełTA paviedamili ŭ pres-słužbie Ministerstva zamiežnych spraŭ.
«Ličym nieprymalnym lubuju prajavu ahresii, a achviary siarod mirnaha nasielnictva — niedapuščalnymi, — padkreślili ŭ MZS. — Zaklikajem baki supraćstajańnia pryniać terminovyja miery dla deeskałacyi napružanaści ŭ rehijonie».
U Biełarusi pierakananyja ŭ biezalternatyŭnaści šlachu pramych pieramoŭ dla doŭhaterminovaha ŭrehulavańnia paleścina-izrailskaha kryzisu, havorycca ŭ zajavie MZS.
Razam z tym u viedamstvie adznačyli, što pakul infarmacyi ab paciarpiełych hramadzianach Biełarusi ŭ pasolstva nie pastupała.
Pasolstva Biełarusi ŭ Tel-Avivie znachodzicca ŭ kantakcie z kampietentnymi orhanami krainy znachodžańnia i pastajanna adsočvaje situacyju, paviedamlaje MZS.
Kamientary