«Praviły vajny źmianilisia i adkaz Izraila siektaru Haza budzie takim mahutnym, što jaho buduć pamiatać na praciahu nastupnych 50 hadoŭ», — zajaviŭ ministr abarony Izraila Jaaŭ Hałant.
«Jany nie rabili roźnicy pamiž žančynami, dziećmi i pažyłymi ludźmi, jany nanieśli škodu ŭsim. Chutka CHAMAS zrazumieje, što dapuściŭ surjoznuju pamyłku, i zapłacić za jaje».
Raniej premjer Nietańjachu anansavaŭ nastup Izraila na siektar Haza i «doŭhuju vajnu».
Kadry ź siektara Haza, jakija pastupajuć u hety čas, afarbavany połymiem šmatlikich pažaraŭ i nahadvajuć zdymki ź piekła. Niekatoryja ź ich pieradaje mižnarodny panarabski telekanał Al-Džazira.
Ranicaj hrupaj izrailskich chakieraŭ, jakija nazyvajuć siabie «Zahłušalnikami zła», byŭ uzłamany byŭ veb-sajt Al-Džaziry, kab pieraškodzić jaje pracy pa aśviatleńni padziej pa inšy bok.
Siońnia Izrail nanios udar pa Nacyjanalnym isłamskim banku ŭ siektary Haza. CACHAŁ śćviardžaje, što bank absłuhoŭvaŭ terarystyčnuju dziejnaść CHAMAS.
Taksama ŭłady Izraila pryniali rašeńnie spynić padaču elektraenierhii ŭ siektar Haza, a taksama pastaŭki paliva i tavaraŭ.
Dniom Ministerstva achovy zdaroŭja siektara Haza paviedamlała pra 313 zahinułych i 1990 paranienych paleścincaŭ.
«Naša Niva» — bastyjon biełaruščyny
PADTRYMAĆCiapier čytajuć
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1212
Kamientary