Kala Akademii navuk adkryli pomnik siami znakamitym biełarusam
Kampazicyja nazyvajecca «Załatoje kalco biełaruskaj navuki».
«Adkryćcio hetaj kampazicyi prymierkavana da jubilejnaj daty — 95-hodździa Nacyjanalnaj akademii navuk Biełarusi. Kampazicyja stvarałasia niaprosta — u tvorčym pošuku, dyskusijach, supiarečnaściach. Ale ŭsio atrymałasia. Kampazicyja atrymała stanoŭčuju acenku. Chaču padziakavać usim, chto maje dačynieńnie da stvareńnia hetaha simvała biełaruskaj navuki», — skazaŭ staršynia Prezidyuma Nacyjanalnaj akademii navuk Biełarusi Uładzimir Husakoŭ.
«Załatoje kalco biełaruskaj navuki» składajecca z ratondy i skulptur vybitnych navukoŭcaŭ Biełarusi, zasnavalnikaŭ navukovaj dumki: Kiryły Turaŭskaha, Francyska Skaryny, Simiaona Połackaha, Kazimira Siemianoviča, Jaŭstafija Tyškieviča, Jaŭchima Karskaha i Usievałada Ihnatoŭskaha.
Aŭtary prajekta — architektar Armen Sardaraŭ, a taksama skulptary Alena Charabieruš i Leanard Pakulnicki.
Padčas cyrymonii ŭ nišu architekturna-mastackaj kampazicyi była zakładziena kapsuła z pasłańniem naščadkam, pradaŭžalnikam navukovych tradycyj Biełarusi.
Na kapsule vyhraviravany nadpis: «Pasłańnie naščadkam. Prytrymlivajučysia pryncypu pierajemnaści i zachoŭvajučy addanaść najlepšym tradycyjam navukovych škoł, prosim nakiravać pasłańnie vašym naščadkam, tym samym stvarajučy bieśpierapynnuju «voś času» akademičnaj navuki. Adčynić praz 50 hod».
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1010
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata10
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 202633
Kamientary