Va ŭzroście 86 hadoŭ pamior znakamity anhlijski futbalist, čempijon śvietu pa futbole 1966 hoda ser Bobi Čarłtan.
U zajavie siamji Čarłtana havorycca: «Ź vialikim smutkam my paviedamlajem navinu pra toje, što ser Bobi mirna pamior rańniaj ranicaj u subotu, u atačeńni svajoj siamji».
Bolšuju častku karjery hulca, z 1956 da 1973 hoda, Čarłtan pravioŭ u składzie «Mančester Junajted». Hulajučy za hety kłub, jon zabiŭ rekordnyja 249 hałoŭ (našmat paźniej hety rekord byŭ pabity Uejnam Runi), a ahulnaja kolkaść zhulanych za «Mančester Junajted» matčaŭ skłała rekordnyja 758 hulniaŭ (rekord byŭ pabity Rajanam Hihzam).
U 1966 hodzie, paśla pieramohi zbornaj Anhlii na čempijanacie śvietu pa futbole, Čarłtan atrymaŭ «Załaty miač» jak najlepšy futbalist hoda. Akramia taho, Čarłtan vyjhravaŭ čempijanat Anhlii i Kubak jeŭrapiejskich čempijonaŭ.
Čarłtan taksama viadomy tym, što vyžyŭ u avijakatastrofie ŭ Miunchienie ŭ 1958 hodzie, u jakoj raźbiŭsia samalot z kamandaj «Mančester Junajted» na borcie. Z 44 čałaviek, jakija znachodzilisia ŭ samalocie, zahinuli 23, jašče 19 atrymali ranieńni.
Ciapier čytajuć
Na aŭtašou ŭ Lidzie ledź nie zahinuŭ adzin z samych znakamitych kaskadzioraŭ Biełarusi — jaho videa sabrali amal paŭmiljarda prahladaŭ. Što ź im ciapier?3
Kamientary