«Što za žachlivaja prapahanda ruskaha śvietu?» Hadzińnikavamu zavodu dastałosia na arechi za rekłamu novaj kalekcyi
U instahramie minskaha hadzińnikavaha zavoda «Łuč» vyjšła rekłama novaj kalekcyi hadzińnikaŭ «Razmalavanyja ŭzory».
Na cyfierbłatach hadzińnikaŭ z hetaj kalekcyi raźmieščany rośpisy, jakija pieradajuć nacyjanalny kałaryt nastupnych krain: Biełarusi (niehlubski i ahoŭski), Ukrainy (kosaŭski), Vienhryi (maćjo), Sierbii (piracki), a taksama Rasii (chachłama, hžel, miezienski i aniežski rośpisy), paviedamlaje pres-słužba zavoda.
Videa z rekłamaj ruskaha rośpisu vyklikała nieadnaznačnuju reakcyju.
Byli tyja, chto paličyŭ, što heta «kazačnaja pryhažość», a byli i takija, chto na fonie vajennaj ahresii Rasii va Ukrainie aburyŭsia takoj rekłamaj.
«Što za žachlivaja prapahanda ruskaha śvietu? Vy ž niby biełaruski brend».
«Vielmi taporna zroblena, ruski sintetyčny śviet zamiest miakkich i cudoŭna afarbavanych słavianskich vobrazaŭ, ni duchu, ni pryhažości nie pieradali, hańba dy i tolki…»
«Pacikavicca biełaruskaj historyjaj? Natchnicca našymi dzivosnymi nacyjanalnymi strojami? Mmm, a moža lepš kakošnik, samavar i bałałajka». — «I miadźviedzia».
Cana hadzińnika — 419 rubloŭ.
Ciapier čytajuć
Były palitviazień znajšoŭ u Vilni padpracoŭku ŭ čacie — i trapiŭ pad kryminałku za pravakacyi suprać Ukrainy19
Kamientary
Za takije dieńhi ja łučšie Siejko 5 kuplu!