Strałok, jaki zabiŭ 20 čałaviek u štacie Men, byŭ instruktaram pa ahniastrelnaj zbroi i «čuŭ hałasy»
Padazravany ŭ stralbie ŭ Ljuistanie ŭ amierykanskim štacie Men Robiert Kard pahražaŭ adkryć ahoń na vajskova-trenirovačnaj bazie ŭ horadzie Saka ŭ tym ža štacie, piša RBK sa spasyłkaj na dakumient z bazy źviestak dla supracoŭnikaŭ pravaachoŭnych orhanaŭ.
U dakumiencie havorycca, što 40-hadovy Robiert Kard byŭ instruktaram pa ahniastrelnaj zbroi, jon znachodziŭsia ŭ vajskovym reziervie i byŭ prypisany da navučalnaha centra ŭ Saka.
Uletku jon pravioŭ dva tydni ŭ psichijatryčnaj klinicy. U dakumiencie nie paznačanyja padrabiaznaści ab lačeńni Karda i ab jaho stanie, ale skazana, što jon mieŭ «prablemy ź psichikaj» i raspaviadaŭ, što «čuje hałasy».
U vyniku stralby ŭ Schemengees Bar & Grille i boŭlinhu Just-In-Time Recreation u roznych častkach Ljuistana zahinuli prynamsi 16 čałaviek, jašče dziasiatki paciarpieli. Telekanał ABC paviedamlaje pra minimum 20 zahinułych.
CNN spačatku paviedamiŭ pra 22 zahinułych, potym napisaŭ pra 16 čałaviek. Pavodle źviestak CNN, ranieńni atrymała ad 50 da 60 čałaviek.
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy12
Kamientary