Uładzimir Zialenski ŭ videazvarocie da lidaraŭ dziaržaŭ-čalcoŭ Jeŭrasajuza na samicie ŭ Brusieli zaklikaŭ ich u kancy hoda padtrymać pačatak pieramoŭ z Ukrainaj. Zhadaŭ jon i Biełaruś, skazaŭšy, što jaje budučynia razam z Ukrainaj u ES.
Prezident Ukrainy padkreśliŭ, što Ukraina vykonvaje rekamiendacyi Jeŭrasajuza adnosna budučaha ŭstupleńnia, uspomniŭšy ab padpisańni zakona ab finansavym manitorynhu palityčna značnych asob, piša «Jeŭrapiejskaja praŭda».
«Ukraina praktyčna realizavała siem rekamiendacyj Jeŭrakamisii — i rašeńni, jakija byli praściejšymi, i rašeńni, jakija byli składanymi dla palitykaŭ. I my raźličvajem na vaša adzinstva ŭ adkaz — na rašeńnie ab pačatku pieramoŭ ab ustupleńni Ukrainy ŭ Jeŭrasajuz», — dadaŭ jon.
Na dumku Zialenskaha, hetaja pastanova «šmat u čym vyznačyć uvieś dalejšy šlach Jeŭrasajuza».
«Abo vyjhraje ŭsia naša z vami Jeŭropa razam z Ukrainaj, razam z Małdovaj, a ŭ pierśpiektyvie — razam z Hruzijaj i Biełaruśsiu, abo… vyjhraje minułaje. Ja ŭpeŭnieny, što vy ŭsie — na baku sučasnaj Jeŭropy. My pavinny pieramahčy», — padsumavaŭ jon.
U aŭtorak Zialenski źviarnuŭsia da Kalehii jeŭrakamisaraŭ, jakija sabralisia ŭ Brusieli, pierakonvajučy ich u tym, što Ukraina vykanała ŭsie rekamiendacyi Jeŭrakamisii i hatovaja pačać pieramovy ab ustupleńni ŭ Jeŭrasajuz.
Jeŭrakamisija rychtujecca apublikavać 8 listapada stanoŭčuju acenku prahresu Ukrainy ŭ reformach, jakija jana pavinna vykanać dla dalejšaha ruchu ŭ ES, adnak hetaja acenka moža ŭtrymlivać dadatkovyja ŭmovy.
Biznesmien, biełaruska sa Šviecyi, chłopiec, asudžany za čat na piaciarych. Kaho jašče vyzvalili i vyvieźli ŭ Vilniu razam ź Siarhiejem Cichanoŭskim1111
Kamientary