Trahiedyja ŭ Anhlii. Eks-hulec NCHŁ pamior z-za strašnaha parezu šyi padčas matča
Chakieist «Notynhiem Panterz» Adam Džonsan atrymaŭ mocnuju traŭmu ŭ vyniku ŭdaru lazom kańka pa horle padčas matča čempijanatu Anhlii suprać «Šefiłd Stylerz», što prajšoŭ 28 kastryčnika, piša dailymail.co.uk.
Traŭma Adama Džonsana była nastolki žudasnaj, što prymusiła spynić hulniu i pakinuła traŭmavanych zaŭziataraŭ u ślazach, piša vydańnie.
The Nottingham Panthers are truly devastated to announce that Adam Johnson has tragically passed away following a freak accident at the game in Sheffield last night. pic.twitter.com/lhSOkDu03Q
Forvard, znachodziačysia z šajbaj na levym baku placoŭki ŭ čužoj zonie, sutykajecca z supiernikam — chakieist «Šefiłda» tak padlacieŭ, što kańkom kranuŭ šyju Džonsana. Abodva apynulisia na lodzie. Adam sprabuje padniacca, ale znoŭ padaje. Sudździa dapamahaje chakieistu ŭstać.
«Notynhiem Panterz» spustošanyja: Adam Džonsan trahična pamior u vyniku žudasnaha niaščasnaha vypadku na matčy ŭ Šefiłdzie ŭčora ŭviečary. Kłub budzie vielmi sumavać pa im i nikoli jaho nie zabudzie.
Adam, naš numar 47, byŭ nie tolki vybitnym chakieistam, ale i vydatnym tavaryšam pa kamandzie i nievierahodnym čałaviekam, u jakoha ŭsio žyćcio było napieradzie. «Panterz» chacieli b vykazać našy spačuvańni siamji Adama, jaho dziaŭčynie i ŭsim siabram u hety nadzvyčaj ciažki čas, našy dumki z vami.
Usio ŭ kłubie, uklučajučy hulcoŭ, piersanał, kiraŭnictva i ŭładalnikaŭ, zabityja horam viestkaj pra śmierć Adama», — havorycca ŭ zajavie kłuba.
U EIHL zajavili, što «prybityja horam»: «dumki i spačuvańni ŭsich, chto źviazany ź Lihaj, naležać siamji, siabram i tavaryšam pa kamandzie Adama ŭ hety vielmi sumny čas».
Chakieistu było 29 hadoŭ. Za karjeru ŭradženiec Miniesoty navat paśpieŭ pahulać u NCHŁ. Z 2018 da 2020 hoda amierykaniec pravioŭ 13 matčaŭ za «Pitsburh» i navat zabiŭ adzin hoł, dadaŭšy da jaho try asisty. Minuły hod Adam pravioŭ u Niamieččynie, u mižsiezońnie pierabraŭsia ŭ Anhliju. Pierad matčam z «Šefiłdam» Adam zajmaŭ treciaje miesca ŭ śpisie najlepšych bambardziraŭ «Notynhiema», nabraŭšy 7 (4+3) bałaŭ u siami sustrečach siezona.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary