Siońnia nočču «Kałhary» sastupiŭ u matčy čempijanatu Nacyjanalnaj chakiejnaj lihi «Detrojt Red Uinhz» 2:6, ale biełaruski forvard Jahor Šaranhovič zakinuŭ svaju pieršuju šajbu ŭ aficyjnym matčy za kanadski kłub.
Jahor na 19-j chvilinie druhoha pieryjadu pry liku 1:4 atrymaŭ pas na svajoj pałovie placoŭki, prajechaŭ da siniaj linii i z usiaho razmachu kinuŭ pa varotach.
Heta byŭ šosty aficyjny matč dla Jahora za «Kałhary».
Kamanda zajmaje 10-je miesca ŭ Zachodniaj kanfierencyi, ale maje stolki ž bałaŭ (piać), jak i kamandaŭ, što iduć siomaj i vośmaj («Sent-Łuis» i «Łos-Andželes»), hetyja miescy dajuć propusk u Kubak Stenli.
U Šaranhoviča taksama jość halavy pas u hetym siezonie.
Nastupny matč «Kałhary» praviadzie 25 kastryčnika suprać «Ńju-Jork Rejndžers».
Jahor try siezony pravioŭ za «Ńju-Džersi Deviłz», zhulaŭ 209 matčaŭ, zakinuŭ 53 šajby i zrabiŭ 54 halavyja asisty.
Uletku Šaranhovič pierajšoŭ u «Kałhary».
Taksama ŭ hetym siezonie za «Vašynhton», ź pieryjadyčnymi kamandziroŭkami ŭ farm-kłub, hulaje biełarus Alaksiej Protas. Pakul u jaho niama halavych bałaŭ.
Redki vypadak: pamiłavany biełaruski palitviazień pajšoŭ na vajnu suprać Ukrainy16
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary