У Гомелі ратавальнік падчас нырання знайшоў косткі старажытнай жывёлы
Тэорыі былі розныя: мамант, алень, бізон ці нават насарог. Па дапамогу ў вызначэнні прыналежнасці костак Асвод звярнуўся ў Гомельскі палацава-паркавы ансамбль. І там праяснілі знаходку.
30 кастрычніка пры правядзенні трэніровачных апусканняў вадалаз Заходняй выратавальнай станцыі Аляксей Яшкін выявіў на дне ракі Сож два прадметы, падобныя да костак. Яны знаходзіліся на глыбіні некалькіх метраў і былі пакрытыя часткова глеем. Косткі ўдалося падняць і даставіць на сушу, паведамляе мясцовая суполка Асвода.
Тэорыі былі розныя: мамант, алень, бізон ці нават насарог. Па дапамогу ў вызначэнні прыналежнасці костак Асвод звярнуўся ў Гомельскі палацава-паркавы ансамбль.
«Знойдзеныя парэшткі належаць бізону, які мог тут жыць 10-20 тысяч гадоў таму. Адна з іх — локцевая костка разам з прамянёвай, а другая — частка груднога пазванка», — распавёў загадчык аддзела археалогіі і аховы гісторыка-культурнай спадчыны Юрый Панкоў.
Таксама, са слоў спецыяліста, на ўскраінах Гомеля знаходзілі косткі ляснога слана, мамантаў, насарогаў, паўночных аленяў і нават пячорнага льва. Больш за ўсё знаходак было ў 2000-я гады — падчас будаўніцтва новага мікрараёна Шведская горка.
Часцей за ўсё астанкі ў выглядзе костак і нават цэлых чэрапаў знаходзілі ў рэчышчах і намытым пяску з вадаёмаў, так як гэта — адно з найлепшых асяроддзяў, у якой добра захоўваюцца косткі.
Знаходкі былі перададзеныя ў музей.
Цяпер чытаюць
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»1010
«Паставілі палаткі, развялі вогнішчы». МУС пацвердзіла затрыманне 350 чалавек пад Расонамі. Знайшлі і аргумент: «Многія ў голым выглядзе перад малалетнімі»10
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра2424
У Шэймана знайшлі яшчэ адну магчымую каханку і сына. Сакратарка без вышэйшай адукацыі за лічаныя гады стала ўласніцай раскошных дамоў і гандлёвага цэнтра24
«Што, грохнуць дзяцей Ціханоўскай, каб звярнулі ўвагу на маю праблему?» Як тупы каментар актывіста Дзяніса Дашкевіча стварыў яму праблемы ў Польшчы2929
Каментары