Unikalny limanaryj u Bataničnym adkryty dla naviedvalnikaŭ na niekalki dzion
Centralny bataničny sad u Minsku tolki na hetyja vialikija vychadnyja, z 4 pa 7 listapada, adkryŭ dla naviedvalnikaŭ aranžareju pładovych cytrusavych raślin.
Naviedać limanaryj «U rytmie non-stop» možna z 11:00 da 15:00, paviedamlaje aficyjny sajt sadu.
Tut možna ŭbačyć roznyja sarty limonaŭ, apielsinaŭ, mandarynaŭ, hrejpfrutaŭ i zrabić na pamiać atmaśfiernyja fota. Siaredniaja praciahłaść naviedvańnia — 20-30 chvilin.
Bilet u limanaryj nabyvajecca asobna na ŭvachodzie ŭ Centralny bataničny sad. Patrapić u aranžareju možna praz faje hałoŭnaha korpusa.
Jak raskazali ŭ Centralnym bataničnym sadzie, cytrusy akazvajuć spryjalnaje ŭździejańnie na zdaroŭje čałavieka i ŭmacoŭvajuć imunitet. Nie tolki płady hetych raślin majuć hajučyja ŭłaścivaści, ale i kvietki, i navat liście. Vodar cytrusavych stanoŭča ŭpłyvaje na arhanizm čałavieka i palapšaje nastroj. Liście cytrusavych utrymoŭvaje šmat fitancydaŭ i efiektyŭna čyścić pavietra ad chvarobatvornych mikrobaŭ i virusaŭ.
Limanaryj Bataničnaha sadu — adzinaja ŭ Biełarusi aranžareja pładovych cytrusavych raślin. Tut sabrana kala 100 sartoŭ cytrusavych: 60 sartoŭ limonaŭ, 15 sartoŭ apielsinaŭ, 10 sartoŭ mandarynaŭ i 10 sartoŭ hrejpfrutaŭ, a taksama takija redkija cytrusavyja, jak kinkany (fartunieła, kumkvat), cytrony, kałamandziny (cytrafartunieła).
«Naša Niva» — bastyjon biełaruščyny
PADTRYMAĆCiapier čytajuć
Raźviedka ZŠA: Biełaruś stała pieradavym vajskovym płacdarmam Rasii15
Kamientary