«Chto nastolki durny, kab skraści ŭnitaz?» U Vialikabrytanii abvinavacili tych, chto skraŭ załaty ŭnitaz z pałaca Uinstana Čerčyla
Unitaz raptoŭna źnik ź Blenchiejmskaha pałaca jašče ŭ vieraśni 2019 hoda. Kradziež tady pryvioŭ da zatapleńnia ŭsiaho majontka, a vinavatych šukali niekalki hadoŭ.
Čatyrom brytancam byli vystaŭlenyja abvinavačvańni ŭ kradziažy darahoj mastackaj instalacyi, a mienavita 18-karatnaha załatoha ŭnitaza, jaki znachodziŭsia ŭ radavym majontku byłoha premjer-ministra Vialikabrytanii Uinstana Čerčyla. Ab hetym piša vydańnie The Telegraph.
U 2019 hodzie ŭ Blenchiejmskim pałacy, jaki źjaŭlajecca rezidencyjaj Uinstana Čerčyla, prachodziła vystava italjanskaha mastaka Maŭrycya Katełana. Centralnym elemientam vystavy byŭ 18-karatny załaty ŭnitaz koštam 5 z pałovaj miljonaŭ jeŭra, jaki nazyvaŭsia «Amieryka».
Tualet tady ŭstalavali prosta nasuprać tych pakojaŭ, dzie naradziŭsia Čerčyl. Vystava miełasia prajści dobra, ale darahi ekspanat niečakana skrali, što vyklikała zatapleńnie pałaca, bo ŭnitaz byŭ padłučany da kanalizacyi doma.
«Chto nastolki durny, kab skraści ŭnitaz?» — spytaŭ paśla kradziažu mastak Maŭrycya Katełan, spadziejučysia, što heta byŭ prosta čyjści žart.
Ale reč tak i nie viarnuli. Aficyjnych abvinavačvańniaŭ tady taksama nikomu nie vystavili, ale za čatyry hady palicyja aryštavała 7 čałaviek.
U paniadziełak 6 listapada, jak piša The Telegraph, Karaleŭskaja prakurorskaja słužba Vialikabrytanii zajaviła, što vystaviła abvinavačvańni brytancam Džejmsu Šynu, Majkłu Džonsu, Fredu Doŭ i Bory Hučuku za kradziež unitaza. Usie čaćviora paŭstanuć pierad sudom Oksfarda 28 listapada.
Sam załaty ŭnitaz pry hetym tak i nie byŭ znojdzieny.
Ciapier čytajuć
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ3
Muzyka, malavańnie i tancy ŭ škołach i himnazijach — usio? Što viadoma pra skaračeńni nastaŭnikaŭ-estetystaŭ
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1212
Kamientary