Palitviazień-žurnalist Aleś Lubiančuk pakutuje ŭ kałonii ad chvaroby chrybta
Byłoha žurnalista «Biełsata» Alesia Lubienčuka asudzili za nibyta stvareńnie ekstremisckaj arhanizacyi na try hady źniavoleńnia i trymajuć u kałonii № 15 pad Mahilovam.
Jašče ŭ 2022 hodzie, u minskim SIZA, u palitviaźnia abvastryłasia chvaroba chrybta, i ciapier heta dla jaho samaje prablemnaje pytańnie, raskazała «Radyjo Svaboda» pra Lubienčuka daśviedčanaja krynica.
«Nakolki možna mierkavać, jamu ciažka zajmacca navat sportam, čym tam usie ratujucca. Heta jaho zaŭvažna zasmučaje», — kaža krynica.
Pracuje Aleś Lubiančuk na ačystcy dratoŭ ad izalacyi. «Pryznavaŭsia, što praca hetaja ciažkaja i škodnaja dla zdaroŭja, ale davodzicca tryvać», — paviedamiła krynica.
Pakul Aleś Lubiančuk byŭ u SIZA na Vaładarskaha, jon šmat čytaŭ. Tady, pavodle surazmoŭcy, za čatyry miesiacy jon pračytaŭ bolš za 50 knih.
«Miarkuju, u kałonii jon taksama praciahvaje šmat čytać, bo vielmi lubić hety zaniatak. A tam biblijateka niebłahaja, jość dobraja mastackaja litaratura i padručniki dla samanavučańnia», — kaža krynica «Svabody».
U traŭni 2022 hoda Aleś Lubiančuk žyŭ u vioscy Kryvičy Iŭjeŭskaha rajona. Akramia žurnalistyki, zajmaŭsia dabračynnaj dziejnaściu, a hałoŭnym chobi Lubienčuka byŭ vodny turyzm.
«Jon vielmi lubiŭ spłaŭlacca pa biełaruskich rekach, zajmajecca hetym užo kala 10 hadoŭ. Na bajdarcy pa Biarezinie, pa Niomanie spłaŭlaŭsia ŭ składzie jak małych, tak i vialikich hrupaŭ. U apošnija hady jahonym ulubionym maršrutam stała rečka Haŭja, jakaja ciače praź Iŭjeŭski rajon u Nioman. Bačna pa jahonych listach, pa tym, jak jon sumuje pa pryrodzie, pa rečkach, što hetaja mara — znoŭ spłavicca pa Haŭi ŭ Nioman — jaho nie pakidaje. Spadziajomsia, hetak i budzie», — miarkuje krynica, abaznanaja ŭ spravach palitviaźnia Alesia Lubienčuka.
Na volu Aleś Lubiančuk maje vyjści ŭ studzieni 2025 hoda. Biełaruskija pravaabaroncy pryznali žurnalista Lubienčuka palitviaźniem.
Adras dla padtrymki: PK № 15. 213105, h. Mahiloŭ, p/a Viejna, Słaŭharadskaja šaša 183, Alaksandr Mikałajevič Lubiančuk
Palašuk z chitrynkaj. Siabry i kalehi — pra źniavolenaha žurnalista Alesia Lubienčuka
«Praca na lesapiłcy ciažkaja, mocna schudnieŭ, kurtka visić jak parašut». Pra što palitźniavoleny žurnalist Andrej Kuźniečyk piša z kałonii
Homielskaha žurnalista Andreja Tołčyna vinavaciać u škodzie intaresam nacyjanalnaj biaśpieki
«Pahladzicie mnie ŭ vočy». Źjaviŭsia poŭny tekst apošniaha słova redaktara Manceviča
Ciapier čytajuć
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona11
Kamientary