Na volu vyjšaŭ palitviazień Siarhiej Niepahoda. Jaho zatrymali za paŭtara miesiaca da vybaraŭ
Siarhiej — treci asudžany fihurant spravy za patasoŭku ź siłavikami 19 červienia 2020 hoda ŭ Maładziečnie paśla akcyi salidarnaści, kali pratestoŭcy adbivali zatrymanaha, a amapaviec dastaŭ pistalet.
Paŭła Piaskova i Uładzisłava Jeŭścihniejeva asudzili da 3 hadoŭ kałonii naprykancy vieraśnia 2020 hoda, piša «Viasna».
Siarhiej Niepahoda byŭ pryznany padazravanym, ale źjechaŭ za miažu i ŭ sudzie nie ŭdzielničaŭ. Jaho zatrymali 17 sakavika 2021 hoda ŭ Sankt-Pieciarburhu, źmiaścili ŭ rasijskaje SIZA na paŭhoda, a kali skončyŭsia termin utrymańnia pad vartaj, to pa pryčynie parušeńnia mihracyjnaha režymu vypravadzili ŭ Biełaruś.
Niepahodu asudzili pa č. 2 art. 363 KK (supraciŭ z prymianieńniem hvałtu) da 3 hadoŭ kałonii ahulnaha režymu. Pravaabaroncam stała viadoma, što 4 listapada Siarhiej vyjšaŭ na volu z PK-15, całkam adbyŭšy termin.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary