U Italii asudžanaha na 30 hadoŭ zabojcu adpuścili ŭ pačatku termina «z-za drennaha charčavańnia» ŭ turmie
«Mužčyna nanios 57 udaraŭ nažom svajoj dziaŭčynie za toje, što jana papraknuła jaho ŭ rassypańni chlebnych krošak na łožku».
U Italii vypuścili z turmy 35-hadovaha Dzimitryja Frykana, jaki z asablivaj žorstkaściu zabiŭ svaju dziaŭčynu i adbyŭ usiaho 1 hod u turmie zamiest prysudžanych 30. Reštu termina italjaniec budzie adbyvać u domie svaich baćkoŭ, napisała niadaŭna vydańnie New York Post.
Dzimitry Frykana byŭ aryštavany jašče ŭ 2017 hodzie z-za zabojstva svajoj 28-hadovaj dziaŭčyny Eryki Preci padčas bytavoha kanfliktu ŭ hateli na Sardzinii. Tady ŭ pary ŭźnikła svarka z-za najaŭnaści chlebnych krošak u łožku ich numara hatela, jakaja skončyłasia vielmi trahična.
«Frykana nanios 57 udaraŭ nažom svajoj dziaŭčynie za toje, što jana papraknuła jaho ŭ rassypańni chlebnych krošak na łožku. Paśla hetaha mužčyna pasprabavaŭ vystavić incydent za ŭzbrojenaje rabavańnie z boku trecich asob, adnak praź miesiac usio adno pryznaŭsia ŭ zabojstvie», — raskazała vydańnie New York Post sa spasyłkaj na italjanskija miedyja.
U vyniku ŭ 2019 hodzie italjaniec byŭ asudžany na 30 hadoŭ pazbaŭleńnia voli. Pry hetym sam termin adbyvańnia pakarańnia faktyčna pačaŭsia tolki ŭ 2022 hodzie z-za pandemii karanavirusa i źviazanych ź joj abmiežavańniaŭ.
Ale ŭžo praz hod turmy Frykana rašeńniem suda byŭ adpuščany pad chatni aryšt «z-za drennaha charčavańnia ŭ papraŭčaj ustanovie».
«Na momant vyniasieńnia prysudu Dzimitry Frykana važyŭ 117 kiłahram, a praz hod jaho vaha pavialičyłasia ŭžo da 200, što nie dazvalała mužčynu narmalna chadzić i zachoŭvać turemny režym.
«U suviazi z hetym sud niadaŭna vyrašyŭ, što pakolki turemnaja administracyja nie zdolnaja zabiaśpiečyć Frykana nizkakałaryjnuju i dobruju dyjetu, jakaja nie budzie pahražać jahonamu žyćciu, to mužčyna pa miedycynskich pakazańniach pavinien być adpuščany z turmy i adbyvać reštu termina doma ŭ svaich baćkoŭ», — paviedamiŭ New York Post.
Advakaty Frykana adznačyli, što ŭ dadatak da hetaha mužčyna daŭno pakutuje ad zasmučeńnia asoby, tryvožna-depresiŭnaj bulimii i sindromaŭ spynieńnia dychańnia padčas snu.
U toj ža čas baćki zabitaj Eryki Preci nazvali rašeńnie suda ab pieramiaščeńni Frykana pad chatni aryšt «haniebnym».
«Heta jak pramy ŭdar u serca. Dla nas bol usio jašče zanadta mocny, kab pryniać jaho takoje chutkaje vyzvaleńnie», — skazali baćki zabitaj Eryki Preci.
Ciapier čytajuć
Biaspałaŭ kančatkova rassvaryŭsia ź Cichanoŭskim: Dla jaho dobry tolki adzin čałaviek — Prakopjeŭ79
Kamientary