«Chopić prapanoŭvać mnie seks, ja žanaty». Biełaruski tvitar abmiarkoŭvaje seks ź siabrami i praviaraje adnu teoryju
Usio pačałosia z tvita Juryja Satanoŭskaha, vajara Pałka Kalinoŭskaha. Biełarus padzialiŭsia, pa jaho słovach, insajtam ad psichaterapieŭta datyčna seksu ź siabrami. Tvit nabraŭ bolš za 32 tysiačy prahladaŭ i dziasiatki vodhukaŭ, i voś što pišuć ludzi.
U tvicie Satanoŭski napisaŭ: «Jašče adzin insajd (pravilna pisać insajt, to-bok azareńnie. — «NN») ad terapieŭta: dziaŭčatam, katoryja vierać u siabroŭstva z chłopcami. Zaprapanujcie svajmu siabru seks. I vy ŭbačycie, siabr heta ci prosta pačakun».
U kamientarach źjaviŭsia vodhuk ad žančyny, jakaja pasłuchałasia parady:
«Zaprapanavała. Skazaŭ, što my braciuni i nie treba naša siabroŭstva źnievažać hetym bahabrydkim seksam! Nu, u im ja i nie sumniavałasia — sto hod užo razam. Sjabram-hiejam i mužu najlepšaj siabroŭki taksama daremna prapanoŭvać, ja tak dumaju)»
Bahata karystalnikaŭ aburylisia tym, što psichaterapieŭt dazvalaje sabie rabić klijentu takija parady. Byli i sumnieńni ŭ kvalifikacyi śpiecyjalista, da jakoha źviartajecca Juryj:
«Niejkaja dziŭnaja parada ad psichołaha, imcho. Ja i tak viedaju, što moj siabar, ź jakim siabrujem amal 15 hod, mnie na hetaje adkaža, i ŭpeŭniena, što heta moža sapsavać mnie adnosiny jak minimum ź jaho žonkaj. U čym sens hetaj manipulacyi?»
«Takoha terapieŭta samoha b na terapiju».
«A heta dakładna terapieŭt? Bo padobna na parady pseŭdapsichołahaŭ ź insty».
«Hani svajho terapieŭta puhaj».
«U «terapeŭta» dypłom, napeŭna, kupleny ŭ pierachodzie maskoŭskaha mietro».
Znajšlisia i tyja karystalniki, chto padtrymaŭ ideju terapieŭta. Praŭda, jany akazalisia ŭ mienšaści:
«Ja daŭnym daŭno tak kažu. Ale tut treba nie ŭ łob, a niby samo saboj».
«U siabroŭstva pamiž dziaŭčynaj i chłopcam čamuści vierać tolki dziaŭčaty)))»
Abmierkavańnie seksu ź siabrami vyjšła za miežy pasta Satanoŭskaha. Mima temy nie prajšoŭ komik Michaś Iljin, viadomy svaimi žartami ŭ siecivie:
«Spać z «siabram» — heta žachliva. Tolki ŭjavicie: pračynaješsia, a pobač — Anatol Jarmolenka».
Na skrynie — kadr ź sieryjała «Siabry»
Adznačyŭsia i inšy viadomy błohier pa mianušcy Džypsinkoŭ:
«Hałoŭnaje, starajciesia nie spać ź siabrami 2 tydni biez matraca z uklučanym śviatłom i šmonam kožnyja 2 hadziny. Pra astatniaje možna damovicca».
I jašče niekalki trapnych kamientaroŭ na temu, jakaja chvaluje siońnia biełaruski Ch (były tvitar):
«Darečy, my z terapieŭtkaj zabilisia, što ja nie budu zajmacca seksam 6 miesiacaŭ. U mianie tak siabroŭ zusim nie zastaniecca».
«Naśpiacca ź siabrami, a potym pavychodziać na vulicy na masavyja chadžeńni, mdaaaa».
«Darahija siabry, chopić prapanoŭvać mnie seks, ja žanaty, tak što ŭsio adno nie pahadžusia».
«Byŭ u mianie siabar, ź jakim my ruka ab ruku prajšli 5 hadoŭ univiera, i šmat razoŭ spali ŭ adnym łožku, ale heta sapraŭdy było siabroŭstva i prosta son, tamu što kali ty adekvatny čałaviek, ty nie budzieš usprymać luboha, chto laža da ciabie ŭ łožak, jak seksualny abjekt».
«Naša Niva» — bastyjon biełaruščyny
PADTRYMAĆPsichołah nazvała rysy partniora, niebiaśpiečnyja dla adnosinaŭ
Ciapier čytajuć
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal3
Kamientary
Heta ž nia seks )
Na surjozie -- nie biarycie da hałavy vialikaha, žyvicie lahčej ))