Estonija i Narviehija śledam za Finlandyjaj rychtujucca zakryć miažu z Rasijaj
Kiraŭnik Pamiežnaj słužby Estonii adznačyŭ, što ŭłady ŭvažliva sočać za situacyjaj i hatovyja praduchilić lubuju nielehalnuju mihracyju ŭ vypadku nieabchodnaści, što «moža aznačać častkovaje ci poŭnaje zakryćcio punktaŭ propusku».
Estonija i Narviehija razhladajuć mahčymaść zakryćcia punktaŭ pierasiačeńnia miažy z Rasijaj paśla anałahičnaha rašeńnia Finlandyi, piša Moscow Times.
Kiraŭnik pamiežnaj słužby Estonii Viejka Kamusaar zajaviŭ Postimees, što Talin byŭ u kursie rašeńnia Chielsinki spynić pracu čatyroch KPP z-za napłyvu mihrantaŭ. Pavodle jaho słoŭ, heta «moža aznačać, što ludzi, jakija da hetaha času źbiralisia la hetych miežaŭ, apynucca na estonskich pamiežnych pierachodach».
Kamusaar adznačyŭ, što ŭłady ŭvažliva sočać za situacyjaj i hatovyja praduchilić lubuju nielehalnuju mihracyju ŭ vypadku nieabchodnaści, što «moža aznačać častkovaje ci poŭnaje zakryćcio punktaŭ propusku».
Takuju zajavu zrabiła kiraŭnica Miniusta Narviehii Emili Enhier Miel. Kraina maje adziny punkt pamiežnaha kantrolu z Rasijaj u Sturskuhu. Ministarka adznačyła, što ažyjatažu na KPP nie nazirajecca. «Trafik vielmi nizki i byŭ nizkim na praciahu ŭsioj vosieni. Ale my ŭvažliva sočym za situacyjaj, i, mahčyma, u vypadku nieabchodnaści nam pryjdziecca zakryć miažu na karotki čas», — skazała Mel u kamientary NTB.
16 listapada Finlandyja abviaściła pra zakryćcio čatyroch ź dzieviaci punktaŭ propusku na miažy z Rasijaj. Ułady patłumačyli heta rostam kolkaści nielehalnych mihrantaŭ, jakija prybyvajuć z terytoryi Rasii. Pačynajučy ź vieraśnia, u Finlandyju takim čynam patrapili 280 hramadzian Iraka, Jemiena, Samali, Siryi i inšych krain. Usie jany prasili prytułak.
Ciapier čytajuć
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami14
Ministr unutranych spraŭ Litvy aburany pieravozčykami: Paśla pajezdki ŭ Biełaruś jany viartajucca z pramytymi mazhami
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju1515
Rasijskaja nieanacystka, jakaja adsiadzieła 16 hadoŭ za zabojstva advakata i žurnalistki: Jon naprošvaŭsia svaimi pohladami na čačenskuju kampaniju15
«Byŭ hałodny, jak z Aśviencima, nie jeŭ ni miasa, ni harodniny». Što viadoma pra śmierć babrujskaha žurnalista, na jakoha zaviali kryminalnuju spravu ŭ Polščy2222
Kamientary