Pajšła z žyćcia majstryca sałomaplacieńnia Taisa Ahafonienka. U vialikaj stupieni dziakujučy joj hetaje biełaruskaje mastactva ŭklučana ŭ śpis niemateryjalnaj kulturnaj spadčyny JUNIESKA.
Taisija Paŭłaŭna naradziłasia 29 sakavika 1927 hoda. Jaje maci — Viera Illinična Haŭryluk — taksama vybitnaja majstryca, «ź jaje pačynajecca novaje stahodździe biełaruskaj sałomki», pisała pra jaje presa.
Taisija Paŭłaŭna atrymała ŭ spadčynu talent i praciahnuła hety šlach. Jaje tvory prasłavili Biełaruś.
— Mnie zaŭsiody chaciełasia spleści sałamianaha kania, takoha, jakich nidzie niama, — pryznavałasia jana.
Jaje kazačnyja koni ź vielizarnaj załacistaj hryvaj stali sapraŭdnym brendam. Bieź ich, jak i biez papularnaj dziaŭčyny z chlebam-sollu, prydumanaj jaje mamaj, za miažu nie jedzie nivodnaja delehacyja.
Dziakujučy ŭ značnaj stupieni jaje tvorčaści sałomaplacieńnie Biełarusi ŭ 2022 hodzie było ŭniesiena ŭ reprezientatyŭny śpis niemateryjalnaj kulturnaj spadčyny JUNIESKA.
Taisija Paŭłaŭna pajšła z žyćcia 11 listapada 2023. Ale stała viadoma pra heta tolki ciapier.
«Nie chaču čuć «śpierdalaj da Ukrainy» tolki tamu, što razmaŭlaju z baćkami pa telefonie na ruskaj». Biełarusy dzielacca, čamu viartajucca z Polščy133133
Kamientary