Sinoptyk Dźmitryj Rabaŭ raskazaŭ, jakoje nadvorje čakaje Biełaruś z 12 da 18 kastryčnika pad upłyvam cykłonu z Bałtyjskaha mora.
Ź jahonych słoŭ, z pačatku druhoj dekady kastryčnika ŭ krainie pačaścilisia cykłony, jakija prynosiać paryvisty viecier i drobnyja daždžy. Praz vysokuju vilhotnaść nadvorje budzie adčuvacca davoli zołkim.
U paniadziełak, 12 kastryčnika, na nadvorje paŭpłyvaje cykłon z centram nad Bałtyjskim moram i jaho atmaśfiernyja franty. Čakajucca karotkačasovyja daždžy i tumany. Unačy budzie ad +4 hradusaŭ na poŭnačy da +11 na poŭdni, udzień — ad +11 na paŭnočnym zachadzie da +17 na paŭdniovym uschodzie krainy.
U aŭtorak, 13 kastryčnika, budzie vobłačna z prajaśnieńniami, miescami mahčymyja daždžy. Unačy tempieratura składzie ad +3 da +8 hradusaŭ, udzień — ad +12 na Viciebščynie da +16 na poŭdni Bresckaj i Homielskaj abłaściej.
U sieradu, 14 kastryčnika, Biełaruś apyniecca na ŭskrainie antycykłonu z centram nad paŭdniovym zachadam Jeŭropy. Istotnych apadkaŭ nie čakajecca, adnak vilhotnaść pavietra dasiahnie 90%. Unačy i ranicaj mahčymyja hustyja tumany. Tempieratura ŭnačy budzie ad +3 da +7 hradusaŭ, udzień — ad +9 na paŭnočnym zachadzie da +14 na poŭdni Homielskaj vobłaści.
Papiarednie, u druhoj pałovie pracoŭnaha tydnia nadvorje budzie vyznačać vobłaść vysokaha atmaśfiernaha cisku.
U čaćvier, 15 kastryčnika, čakajecca pieravažna vobłačnaje nadvorje z prajaśnieńniami, u asnoŭnym biez daždžoŭ. Unačy tempieratura panizicca da +3…+8 hradusaŭ, udzień budzie ad +10 u Viciebskaj vobłaści da +17 u Homielskaj.
U piatnicu, 16 kastryčnika, istotnych apadkaŭ taksama nie prahnazujecca. Unačy i ranicaj mahčymyja hustyja tumany, bačnaść moža źnizicca da 500 mietraŭ. Tempieratura ŭnačy składzie ad +5 da +10 hradusaŭ, udzień — ad +11 na poŭnačy da +16 na paŭdniovym zachadzie krainy.
Na vychadnych u Biełaruś pryjdzie šyroki antycykłon z centram nad paŭnočnaj Jeŭropaj.
U subotu, 17 kastryčnika, budzie vobłačna, bieź istotnych apadkaŭ. Unačy i ranicaj znoŭ čakajucca tumany, tempieratura składzie ad +3 da +7 hradusaŭ. Udzień pavietra prahrejecca da +10 na poŭnačy Biełarusi i da +16 na poŭdni.
U niadzielu, 18 kastryčnika, upłyŭ antycykłonu zachavajecca. Budzie vobłačna z prajaśnieńniami, amal biez daždžoŭ. Unačy i ranicaj mahčymyja tumany, tempieratura — ad +4 da +9 hradusaŭ. Udzień u Viciebskaj vobłaści čakajecca kala +11, a ŭ Homielskaj i Bresckaj — da +17 hradusaŭ.
«Bulba» z Oršy pajšoŭ vajavać za Rasiju — ciapier siastra šukaje jaho ci chacia b jaho pareštki9
Kamientary