Adšukali čałavieka, jaki, mierkavana, pieravodziŭ hrošy Alehu Aksionavu ad KDB
Učora ŭ efiry ANT pakazali, na jakoje imia byŭ zarehistravany rachunak, ź jakoha KDB płaciŭ Aksionavu. Telehram-kanał «Biełaruś hałaŭnoha mozha» raskazaŭ, što razam z «Kibierpartyzanami» jany adšukali hetaha čałavieka.
Miarkujecca, što hetym čałaviekam byŭ Anton Lemiešaŭ. Jamu 25 hadoŭ, rodam z Mahilova. Pa źviestkach, jakija telehram-kanału «Biełaruś hałaŭnoha mozha» pieradali «Kibierpartyzany», jon prachodziŭ terminovuju słužbu va ŭnutranych vojskach.
My daviedalisia taksama, što ź vieraśnia 2013-ha pa maj 2016-ha Anton vučyŭsia ŭ Mahiloŭskim prafiesijnym licei № 5 na stanočnika drevaapracoŭčych stankoŭ. Imavierna, paśla vučyŭsia ŭ Biełaruska-rasijskim univiersitecie ŭ Mahilovie, ale niezrazumieła, ci skončyŭ jaho — na 2020-y jon ukazvaŭ, što ŭ jaho siaredniaja śpiecyjalnaja adukacyja. A ŭ 2020-m šukaŭ pracu raznarabočym u Mahilovie.
Pa źviestkach «Kibierpartyzanaŭ», jon šmat jeździŭ u Polšču, a pra jahonuju pracu ŭ Biełarusi ničoha nieviadoma.
Jakaja jahonaja rola ŭ apieracyi pa «razvodzie» Aksionava i dziela čaho ANT vyrašyła pakazać jahonyja imia i proźvišča (naŭrad ci vypadkova) — heta hałoŭnaja zahadka.
My pasprabavali zadać pytańni Antonu, ale jon zabłakavaŭ našaha žurnalista paŭsiul, dzie toj jamu pisaŭ.
Nahadajem, aktyvist i juryst Aleh Aksionaŭ staŭ achviaraj śpiecapieracyi KDB — pad vyhladam jeŭrapiejskaj arhanizacyi jaho paprasili chadzić na mierapryjemstvy i «pierapraviarać» toje, jak traciacca hranty ES. Za heta jamu płacili.
U subotu čekisty raskryli karty — jany prapłacili Aksionavu «sieminar pa biaśpiecy» ŭ Biełaruskim moładzievym chabie, ale ŭ efir pad vyhladam «sponsara i arhanizatara» vyjšli namieśnik načalnika śledčaha ŭpraŭleńnia KDB Kanstancin Byčak i prapahandyst Ihar Tur.
«Naša Niva» — bastyjon biełaruščyny
PADTRYMAĆ«Navat takija sivyja babry patraplajuć u pastku». Aleh Aksionaŭ patłumačyŭ, jak jaho raźvioŭ KDB
«Pieršyja dźvie chviliny dumaŭ, što heta žart». Naviednik sieminara pa biaśpiecy, da jakoha dałučyŭsia KDB, raskazaŭ, što tam adbyvałasia
«Karty pakazvajuć, što jon dobry». Ja takaja: «B…, vy čo?». Novyja fakty pra ČKB i hubazikaŭca Artura ŭ joj
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary