«MozgON»a, jakomu dali 15 hadoŭ, znoŭ buduć sudzić za «złosnaje niepadparadkavańnie administracyi kałonii»
43-hadovaha aŭtara Youtube-kanała «MozgON» Uładzimira Cyhanoviča tolki try miesiacy tamu pieraviali ŭ novuju kałoniju paśla apošniaha prysudu — u krasaviku jamu pryznačyli jašče adzin hod źniavoleńnia.
Za hety čas administracyja vaŭkavyskaj kałonii № 11 inicyjavała zaviadzieńnie druhoj zapar kryminalnaj spravy pavodle č. 2 art. 411 KK (złosnaje niepadparadkavańnie patrabavańniam administracyi kałonii). Ciapier palitviaźniu mohuć dadać jašče dva hady źniavoleńnia da 16 hadoŭ pazbaŭleńnia voli, piša «Viasna».
Sudzić Uładzimira pačnuć užo 30 listapada ŭ Vaŭkavysku.
Uładzimir — błohier, aŭtar youtube-kanała MozgON. U źniavoleńni palitviazień znachodzicca ŭžo bolš za try hady — jaho zatrymali 9 červienia 2020 hoda. Spačatku jaho dvojčy pakarali «sutkami» pavodle administracyjnych spravaŭ, a potym pieraviali ŭ SIZA ŭ miežach kryminalnaj spravy.
Cyhanoviča abvinavacili pavodle dvuch artykułaŭ Kryminalnaha kodeksa: č. 1 art. 293 KK (arhanizacyja masavych biesparadkaŭ) i č. 3 art. 130 KK (raspalvańnie sacyjalnaj varožaści). 14 śniežnia 2021 Uładzimira asudzili pa «spravie Cichanoŭskaha» da 15 hadoŭ kałonii.
Spačatku palitviaźnia nakiravali adbyvać termin u viciebskuju kałoniju № 3, ale praz paŭhoda Uładzimiru ŭzmacnili pakarańnie i pieraviali z kałonii na turemny režym terminam na try hady.
Ale na hetym cisk na palitviaźnia nie skončyŭsia. Viasnoj 2023-ha hoda suprać Uładzimira ŭzbudzili kryminalnuju spravu za «złosnaje niepadparadkavańnie patrabavańniam administracyi turmy» (č. 2 art. 411 KK).
Spravu pačali razhladać 7 krasavika ŭ sudzie Leninskaha rajona Mahilova. Na druhim pasiadžeńni, 10 krasavika, sudździa Taćciana Kaściuk ahučyła prysud palitviaźniu — adzin hod kałonii ŭ dadatak da 15 hadoŭ źniavoleńnia.
Ciapier stała viadoma, što ŭ sudzie Vaŭkavyskaha rajona 30 listapada pačnuć razhladać čarhovuju spravu suprać palitviaźnia pavodle art. 411 KK. Spravu budzie vieści sudździa Mikałaj Siarhiejka.
Padtrymajcie Uładzimira paštoŭkami, listami i telehramami:
PK №11, 231900, h. Vaŭkavysk, vuł. Rakasoŭskaha, 118
Uładzimir Uładzimiravič Cyhanovič
«Pierada mnoj spyniŭsia bus i vyjšli dva bambizy». Apieratar Cichanoŭskaha, jaki zastaŭsia na voli, raspavioŭ pra pieraśled kamandy
«Palčys sastupiŭ mnie miesca na narach». Prahramist adsiedzieŭ u kałonii — za kratami vy b jaho nie paznali
Uładzimiru Cyhanoviču, aŭtaru jutub-kanała MozgON, dadali da 15 hadoŭ jašče hod kałonii
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary