Pa miescy rehistracyi Artura Fińkieviča taksama pryjšli siłaviki
Jaho niama ŭ Biełarusi try hady, a pa miescy rehistracyi jon nie žyvie dzieviać hadoŭ.
«Siońnia pa adrasie majoj rehistracyi ŭ Miensku prychodzili siłaviki. Na mianie zaviedziena niekalki kryminalnych spravaŭ. Mianie ŭ Biełarusi niama 3 hady, nie žyŭ pa miescy rehistracyi kala 9 hadoŭ, ni rečaŭ, ni majomaści ŭ Biełarusi nie maju», — napisaŭ Artur Fińkievič u svaim fejsbuku.
Artur Fińkievič u 2000-ch byŭ adnym ź lidaraŭ «Maładoha frontu», adnym ź lidaraŭ i zasnavalnikaŭ ruchu «Maładaja Biełaruś». U 2001-2002 hadach udzielničaŭ u abaronie Kurapataŭ. U studzieni 2006 hoda jaho zatrymali pieradvybarčych hrafici «My chočam novaha!» i «Dostał!». Artura abvinavacili ŭ złosnym chulihanstvie psavańni dziaržaŭnaj majomaści ŭ asabliva bujnych pamierach i dali dva hady chimii. Adbyvaŭ pakarańnie ŭ Mahiloŭskaj śpiekamiendatury №43, zatym jaho pieraviali ŭ śledčuju turmu №4 Mahilova. 20 śniežnia 2007 hoda byŭ asudžany z užyvańniem artykuła «recydyŭ» na adzin hod, 6 miesiacaŭ i 15 dzion pazbaŭleńnia voli ŭ kałonii ahulnaha režymu. 5 lutaha 2008 hodu pad ciskam biełaruskaj hramadskaści i suśvietnaj supolnaści byŭ vyzvaleny.
***
Siońnia siłaviki pryjšli ź pieratrusami da niekalkich čałaviek, źviazanych z Kaardynacyjnaj radaj, u tym liku pa miescy rehistracyi ekanamista Siarhieja Čałaha, kiraŭnika ruchu «Za svabodu» Jurasia Hubareviča, da rodnych supracoŭnikaŭ kamandy Narodnaha antykryzisnaha ŭpraŭleńnia, u tym liku Paŭła Łatuški. Siłaviki chodziać z pastanovami na vobšuk pa spravach za «zdradu dziaržavie» i pa inšych kryminalnych artykułach.
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim12
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3333
Kamientary