2 śniežnia ŭ Lidzie pamior paet i žurnalist, kiraŭnik litabjadnańnia «Sukviećcie» Aleś Maculevič. Jamu było 42 hady.
Jak piša «Naša słova», tydzień tamu ŭ Alesia zdaryŭsia infarkt. Paśla dvuch dzion u reanimacyi jaho pieraviali ŭ kardyjałohiju, jon navat paviedamlaŭ usim znajomym, što idzie na papraŭku.
Ale siońnia pryjšła sumnaja navina.
Aleś Maculevič naradziŭsia 19 studzienia 1981 hoda ŭ Lidzie. Skončyŭ Lidskaje piedahahičnaje vučylišča ŭ 2000 hodzie, Bieraściejski dziaržaŭny ŭniviersitet imia A. S. Puškina (fiłałahičny fakultet).
Žurnalisckuju pracu pačaŭ u niezaležnaj haziecie «Teleskop». Paśla zakryćcia «Teleskopa» pierajšoŭ u dziaržaŭnuju «Lidskuju hazietu». Uvieś čas supracoŭničaŭ z hazietami «Naša słova» i «Naša słova.pdf».
U 2023 hodzie Aleś padrychtavaŭ da druku svaju treciuju knihu «Bronzavy Hiedymin». Kniha źviarstana i była adpraŭlena aŭtaru dla apošniaj vyčytki. Na žal, vyčytać knihu jon užo nie paśpieŭ.
Z Łondana Mielnikava vylecieła na Šry-Łanku, u jaje byŭ kachanak spartovaha vyhladu ź Biełarusi22
Kamientary