«Pavinny stajać pobač z Łukašenkam». Hajdukievič vykazaŭsia pra rolu kišennych partyj
Staršynia Libieralna-demakratyčnaj partyi Biełarusi padzialiŭsia ź BiełTA dumkaj pra toje, što «va ŭsie časy biełarusy i rasijanie hurtujucca vakoł lidara».
«Hetyja sankcyi Zachadu i baraćba suprać Biełarusi, Rasii nie ŭličyli našaha mientalitetu. U nas va ŭsie časy ciažkija zaŭsiody było zhurtavańnie vakoł lidara. Chaj historyju vučać, — upeŭnieny Aleh Hajdukievič. — Ja jezdžu pa Maskvie, sustrakajusia ź lidarami frakcyj Dziaržaŭnaj dumy Rasii. Jany šmat spračajucca i spračalisia, asabliva da ŭsich hetych padziej. Ciapier jany jak adzin usie stajać pobač z prezidentam i kažuć: my pa prahramach paspračajemsia potym».
«Viarnusia da našych partyj. Časam kažuć, što partyi padobnyja, jany ŭsie padtrymlivajuć Łukašenku. Vy što, nie razumiejecie, što adbyvajecca ciapier? Što krainu cisnuć, chočuć zadušyć sankcyjami, źniščyć, sproby teraktaŭ adbyvajucca, KDB zmahajecca. A my tut zrobim palityčnuju havarylniu i debaty pra hłupstva? My padebatujem, ale siońnia my ŭsie, lidary partyj, abaviazany stajać pobač z Łukašenkam, jakoha vybraŭ narod, i pa inšamu nie byvaje», — vykazaŭsia staršynia ŁDPB.
Na pačatku 2023 hoda ŭ Biełarusi było 15 partyj, paśla pierarehistracyi i stvareńnia praŭładnaj partyi «Biełaja Ruś» u krainie zarehistravanyja čatyry partyi: «Biełaja Ruś» (staršynia Aleh Ramanaŭ), Libieralna-demakratyčnaja partyja (Aleh Hajdukievič), Kamunistyčnaja partyja Biełarusi (Alaksiej Sokał), Respublikanskaja partyja pracy i spraviadlivaści (Alaksandr Chižniak). Usie apazicyjnyja partyi byli likvidavanyja.
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju10
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary