Navukoŭcy raspracavali pryščepki biez balučych ukołaŭ — adrazu pad skuru. Voś jak heta pracuje
Ukoły vakcyn užo ŭ najbližejšyja niekalki hadoŭ mohuć adyści ŭ minułaje. Inavacyjny sposab vakcynacyi, raspracavany navukoŭcami Oksfardskaha ŭniviersiteta, dazvalaje rabić pryščepki biez vykarystańnia šprycaŭ i ihołak, piša VVS.
Nieabchodny dla vakcynacyi preparat traplaje ŭ arhanizm pacyjenta skroź niepaškodžanuju skuru pry dapamozie ŭltrahukavych chval. Mietad prachodzić finalnuju stadyju vyprabavańniaŭ na žyviołach i pakazaŭ vielmi šmatabiacalnyja vyniki.
Padčas ultrahukavoj pryščepki ŭ arhanizm papadaje ŭ sotni razoŭ mienš preparata, čym pry zvyčajnaj injekcyi. Heta istotna źmianšaje ryzyku raźvićcia pabočnych efiektaŭ.
Pry hetym efiektyŭnaść takoj pryščepki, miarkujučy z papiarednich vynikaŭ vyprabavańniaŭ, moža być navat vyšejšaj, pakolki imunny adkaz pryščeplenaha takim sposabam arhanizma časta akazvajecca bolš vyjaŭlenym. Inšymi słovami, abarona ad infiekcyi doŭžycca daŭžej.
Pa danych centraŭ pa kantroli i prafiłaktycy zachvorvańniaŭ ZŠA, ukołaŭ bajacca dźvie traciny amierykanskich dziaciej i amal čverć darosłych.
Adnak bolšaść pryščepak, na jakich hruntujecca kalektyŭny imunitet, patrabujuć uviadzieńnia preparata pad skuru abo ŭ ciahlicy šlacham injekcyi, pakolki vakcyna pavinna patrapić naŭprost u kroŭ.
Padčas vyprabavańniaŭ usich karanavirusnych vakcyn adnym z samych raspaŭsiudžanych pabočnych efiektaŭ pryščepki byŭ mienavita mocny bol u miescy ŭkołu, jaki časam nie prachodzić niekalki dzion.
Ultrahukavaja vakcynacyja dazvalaje dasiahnuć taho ž efiektu, nie parušajučy skurnaha pokryva, pry dapamozie mietadu, viadomaha jak «kavitacyja».
Dla hetaha tonki płast preparata nanosicca na skuru źvierchu, paśla čaho vysokačastotnyja hukavyja chvali nibyta praciskajuć mikraskapičnyja burbałki vakcyny ŭnutr arhanizma, zaadno čyściačy skuru ad vierchniaha płasta źmiarćviełych kletak.
Patrapiŭšy pad skuru, pad uździejańniem usio taho ž ultrahuku hetyja burbałki «vybuchajuć», što dazvalaje malekułam preparata prabić kletkavuju miembranu i patrapić u kletki.
Mienavita za košt hetaha mahutny imunny adkaz dasiahajecca ŭviadzieńniem značna mienšych abjomaŭ preparata, čym pry zvyčajnaj injekcyi.
Akramia taho, hety mietad vakcynacyi adkryvaje šyrokija mahčymaści ŭžyvańnia DNK-vakcyn, jakija ŭ ciapierašni čas znachodziacca ŭ stadyi raspracoŭki, pakolki patrabujuć traplańnia preparata jak maha bližej da kletkavaha jadra.
Vyprabavańni z udziełam ludziej mohuć pačacca ŭžo naleta.
-
Pad mierkavanym miescam pachavańnia Isusa raskryli 2000‑hadovuju tajamnicu, jakaja supadaje ź biblejskim apisańniem
-
U śviecie jość mieduza, jakaja moža žyć viečna
-
NASA zapłaciła startapu $30 miljonaŭ, kab uratavać teleskop Swift. Ciapier aparat, jaki dvaccać hadoŭ naziraŭ za hibiellu zorak, sam zharyć u atmaśfiery
Ciapier čytajuć
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ53
«Astravok Paŭnočnaj Karei». Baranavickaja škoła vykaciła śpis patrabavańniaŭ da vyhladu vučniaŭ
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara1717
Kamientary