Śviataru Hienrychu Akałatoviču z Vałožyna vystavili abvinavačvańnie. Jon zastajecca za kratami
Raniej dla jaho admaŭlalisia prymać ciopłyja rečy.
Zatrymanamu śviataru abranaja miera ŭtrymańnia ŭ vyhladzie zaklučeńnia pad vartu, i jon zastajecca za kratami — heta aznačaje, što jamu vystavili abvinavačvańnie, piša katolik.life.
Da źmieny statusu dla jaho admaŭlalisia prymać ciopłyja rečy i pradukty. U pieršyja dni paśla zatrymańnia śviataru ŭdałosia pieradać tolki pradmiety hihijeny, bializnu i tabletki — jon maje surjoznyja chvaroby, tamu vymušany prymać niekalki vidaŭ lekaŭ.
Artykuł Kryminalnaha kodeksa pakul nie nazyvajecca, adnak viadoma, što, pavodle niadaŭnich źmienaŭ u KK Biełarusi, termin utrymańnia pad vartaj da vystaŭleńnia abvinavačvańnia byŭ pavialičany da 20 sutak pa šerahu «antydziaržaŭnych» artykułaŭ — takich jak špijanaž, zdrada dziaržavie.
Ale što mienavita stavicca śviataru ŭ vinu, zastajecca nieviadomym. Nijakaj aficyjnaj infarmacyi pra spravu ksiandza Hienrycha Akałatoviča dahetul niama, dziaržaŭnyja orhany taksama pakul ničoha nie paviedamili pra toje, u čym abvinavačvajuć śviatara.
Hienrych Akałatovič — viadomy i pavažany ŭ Biełarusi śviatar, jaki jašče z savieckich ateistyčnych časoŭ dapamahaŭ adradžać katalickuju carkvu ŭ rehijonach. Nie raz stanaviŭsia hierojem publikacyj i siužetaŭ dziaržaŭnaj presy, u adnym z materyjałaŭ padkreślivałasia, što ksiondz razmaŭlaje pa-biełarusku nie tolki ŭ parafii, ale i doma.
Ciapier čytajuć
«Ja nie bomž, u mianie navat biełyja škarpetki». U Minsku dziaŭčyna z Łuhanska raskłała pałatku prosta ŭ padjeździe šmatpaviarchovika, ustryvožyŭšy žycharoŭ2020
Kamientary
Ksiondz Hienryk byŭ anhažavany ŭ hetuju spravu
Voś vam i zdrada kałhasna fašysckaj dziaržavie
Czesc ich pamieci!