Abvinavačvańnie pakul nie vystavili, ale i ciopłyja rečy nie pryniali. Što viadoma pra vałožynskaha śviatara Hienrycha Akałatoviča
Taksama vyśvietliłasia, što pa spravie śviatara zatrymali jašče adnaho čałavieka.
Źjavilisia niekatoryja źviestki pra zatrymanaha ŭ Vałožynie probašča katalickaj parafii Śviatoha Juzafa ksiandza Hienrycha Akałatoviča, piša Katolik.life.
Jaho zatrymali 16 listapada. 10 dzion, na praciahu jakich śviataru mahli vystavić abvinavačvańnie, užo minuli. Adnak pavodle apošniaj dastupnaj infarmacyi, jakoj padzialilisia z Katolik.life abaznanyja krynicy, abvinavačvańnie pakul tak i nie vystaŭlena, jaho pavinny vystavić maksimum da 6 śniežnia.
Pakul hetaha nie adbyłosia i śviatar nie atrymaŭ status aryštavanaha, dla jaho admaŭlajucca prymać ciopłyja rečy i pradukty. Udałosia pieradać śviataru tolki bializnu, srodki hihijeny, ručnik i tabletki — jon pieranosić surjoznyja chvaroby, tamu vymušany prymać niekalki vidaŭ lekaŭ.
Advakata, ź jakim zaklučana damova pa abaronie śviatara, da jaho pakul nie dapuskajuć i vykarystoŭvajuć u pracesualnych dziejańniach dziažurnaha advakata.
Akramia taho stała viadoma, što była zatrymana taksama žančyna, jakaja ŭžo kala 20 hadoŭ dapamahała vieści haspadarčyja spravy ŭ plabanii (domie śviatara).
Ciapier čytajuć
Śpiavačku Meryjem Hierasimienka na praciahu dvuch hadoŭ źbivaŭ muž18
Śpiavačku Meryjem Hierasimienka na praciahu dvuch hadoŭ źbivaŭ muž
Jak Jadźvihin Š. smažyŭ u redakcyi skvarki i čamu łožak Kupały nahadvaŭ dochłaha viarbluda. Ivulin i Astapienia źniali zachaplalny film pra «Našu Nivu»33
Kamientary