Pra varyjant budaŭnictva biełaruskaha porta ŭ Murmansku ŭrad Hałoŭčanki zajaŭlaŭ u mai, a ciapier hubiernatar Murmanskaj vobłaści Andrej Čybis u intervju «Interfaksu» padzialiŭsia niekatorymi padrabiaznaściami prajektu. Choć raniej prachodziła infarmacyja, što biełaruski bok nibyta ad hetaha prajekta ŭžo admoviŭsia
«Ciapierašni status, jaki treba dapakavać i finalizavać, — heta zapyt kalehaŭ na asobny port z dastatkova vialikim abjomam pieravałki, ličby istotna vyšejšyja za nazvanyja raniej», — skazaŭ Andrej Čybis.
Raniej paviedamlałasia, što mahutnaść terminała pa pieravałcy biełaruskich minieralnych uhnajeńniaŭ składzie 5-7 miljonaŭ ton u hod.
Pa słovach murmanskaha hubiernatara, dla raźmiaščeńnia biełaruskaha porta prapanavali niekalki varyjantaŭ.
«Zusim niadaŭna ŭ nas byli biełaruskija śpiecyjalisty, jakija jašče raz usio ahledzieli i strukturavali. Dumaju, što ŭ blizkaj budučyni budzie pryniataje finalnaje rašeńnie — jak, dzie, na jakija abjomy, i my prystupim da pracy», — adznačyŭ kiraŭnik rasijskaha rehijonu.
U lutym u Murmansk pryjazdžała delehacyja biełaruskaha Ministerstva tranpartu i kamunikacyj, kab daśledvać placoŭki dla raźmiaščeńnia partovaj infrastruktury.
«Nas cikavić nie tolki ŭ hłabalnym sensie port mienavita dla kalijnych uhnajeńniaŭ, ale i ŭ pryncypie dla biełaruskaha hruzapatoku — jak ekspartnaha, tak i impartnaha», — zajaviła tady namieśnica ministra Natalla Aleksandrovič.
Miž tym u červieni hetaha hoda ŭ intervju «RIA Novosti» pasoł Biełarusi ŭ Rasii Dźmitryj Kruty zajaŭlaŭ, što Biełaruś užo nie płanuje stvarać adziny port u Rasii paśla zakryćcia praz sankcyi dostupu da marskich partoŭ u Bałtyi, a budzie vykarystoŭvać dla ekspartu svaich hruzaŭ sietku marskich partoŭ u Rasii.
Biełaruskija party ŭ Rasii: usio nie tak chutka abo nasamreč nikoli?
Dźmitryj Kruty skazaŭ, što ŭ Biełarusi nieŭzabavie budzie ŭłasny fłot. Prynamsi, jon u heta vieryć
Jakija rasijskija party vykarystoŭvajucca dla pieravałki biełaruskich hruzaŭ
Stała viadoma, kolki kaštuje tranzit biełaruskich hruzaŭ praz Rasiju
Biełaruś admoviłasia budavać svoj port u Rasii
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ22
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary