U Bresckim abłasnym sudzie 11 śniežnia asudzili byłoha palitviaźnia Alaksandra Pleskaceviča pavodle č. 1 art. 130-1 (reabilitacyja nacyzmu), č. 2 art. 339 (chulihanstva) Kryminalnaha kodeksa. Sudździa Andrej Siz pryznačyŭ Alaksandru adzin hod i šeść miesiacaŭ kałonii va ŭmovach ahulnaha režymu, piša «Viasna».
Pieršy raz Alaksandra Pleskaceviča zatrymali vosieńniu 2021 hoda za nadpis na słupie čyrvona-biełymi litarami «Śvieta, ja vas kachaju», adrasavany Śviatłanie Cichanoŭskaj. Tady mužčynu asudzili pavodle č. 1 i č. 2 art. 339 (chulihanstva) na dva hady «chimii», a paźniej pieraviali adbyvać termin u kałoniju.
Svoj termin Alaksandr skončyŭ adbyvać u lutym 2023 hoda. Paśla vyzvaleńnia mužčynu zatrymali pa administracyjnaj spravie. Jaho asudzili na 10 sutak za toje, što jon «u niavyznačany čas z 16 da 27 lutaha nanios na 7 voknaŭ i vuhał fasada doma bieła-čyrvona-biełuju simvoliku».
Ciapier byłoha palitviaźnia abvinavacili ŭ naniasieńni «nadpisaŭ nacysckaha charaktaru» i svastyki na ścieny budynkaŭ u vioscy Kuršynovičy Lachavickaha rajona. Pra padrabiaznaści spravy raniej pisała «Bieraściejskaja Viasna».
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary