Vajny nie budzie. Vieniesueła i Hajana damovilisia nie źviartacca da siłavoha vyrašeńnia kanfliktu
Pieramovy Nikałasa Madury i Irfaana Ali prachodzili ŭ stalicy Sent-Vinsenta i Hrenadzinaŭ Kinhstaŭnie.
Ułady Vieniesueły i Hajany nie buduć prymianiać siłu dla vyrašeńnia terytaryjalnaha kanfliktu i skličuć kamisiju pa pošuku vychadu z kryzisu. Pra heta havorycca ŭ sumiesnaj zajavie pa vynikach pieramovaŭ, jakuju apublikavała hazieta St. Vincent Times.
«Hajana i Vieniesueła, prama ci ŭskosna, nie buduć pahražać siłaj abo ŭžyvać siłu adna suprać adnoj ani pry jakich abstavinach, — havorycca ŭ dakumiencie. — Baki vykazvajuć prychilnaść imknieńniu da dobrasusiedstva, mirnaha suisnavańnia i adzinstva Łacinskaj Amieryki i Karybskaha basiejna».
Pradstaŭniki krain damovilisia ab stvareńni śpiecyjalnaj kamisii pa vyrašeńni pytańniaŭ, źviazanych z terytaryjalnaj sprečkaj.
Kiraŭniki abiedźviuch dziaržavaŭ pahadzilisia znoŭ sustrecca ŭ Brazilii na praciahu nastupnych troch miesiacaŭ abo ŭ inšy čas, kab razhledzieć luboje pytańnie nakont sprečnaj terytoryi.
Pasiarednikami ŭ arhanizacyi sustrečy na najvyšejšym uzroŭni Vieniesueły i Hajany vystupili supolnaść krain Łacinskaj Amieryki i Karybskaha basiejna (SIEŁAK) i Karybskaja supolnaść (CARICOM).
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju77
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju7
«Z rasijan-naviednikaŭ pracentaŭ 70 akazvalisia vatnikami». Eks-hid z muzieja VAV, jakoha zatrymlivali jaho ž ekskursanty, ciapier papularny ŭ Varšavie — pahutaryli ź im1414
Kamientary