Viera Palakova-Makiej trapiła ŭ žachlivuju avaryju ŭ Novasibirsku
Aktrysa, dyrektarka Biełaruskaha dziaržaŭnaha akademičnaha teatra junaha hledača Viera Palakova-Makiej papała ŭ žudasnuju avaryju pa darozie ŭ aeraport Novasibirska. Ab hetym u instahramie raspaviała Natalla Łazarčyk, mastačka pa kaściumach TIUHa.
Natalla apublikavała ŭ storys videa ź miesca zdareńnia. Pa słovach žančyny, u mašynu, u jakoj u aeraport jechali jana i Viera Palakova-Makiej, urezałasia inšaja mašyna. Praz heta mašynu z žančynami adkinuła ŭ aŭtobus:
«U momant piakielnaha sutyknieńnia ŭ mianie praniesłasia dumka: «Usio? Heta ŭsio?» A potym, kali stajała na ziamli, raptam takoje ščaście adčuła: jakoje cudoŭnaje žyćcio, jak chočacca jaho žyć! Jaki miłaserny Boh». Mastačka śćviardžaje, što aŭto, u jakim jany jechali, ramontu nie padlahaje.
Žančyny i kiroŭca aŭtamabila nie paciarpieli. Niahledziačy na ŭsie pieraškody, Natalla Łazarčyk i Viera Palakova-Makiej viarnulisia ŭ Minsk.
U Novasibirsku biełaruski TIUH sumiesna z teatralnym prajektam «TryTfarmat» udzielničaŭ u ChV Mižnarodnym Kaladnym fiestyvali mastactvaŭ sa śpiektaklem «Majstar i Marharyta», u jakim Viera Palakova-Makiej vykonvaje hałoŭnuju rolu. Jana taksama pravodziła majstar-kłas pa sceničnym ruchu i sceničnym maŭleńni dla akcioraŭ teatra «Hłobus» i ŭdzielnikaŭ amatarskich teatralnych kalektyvaŭ horada.
I voś što kazała ŭdava byłoha ministra zamiežnych spraŭ Biełarusi: «Dvaccać piać hadoŭ ja źjaŭlajusia artystkaj i mienš za dva hady kiruju teatram junaha hledača. Za dva apošnija hady my dabilisia vialikich pośpiechaŭ. Ab nas daviedalisia nie tolki ŭ Biełarusi, ale i za jaje miežami.
Ja — čałaviek, jaki lubić vykliki. Tamu pryniała prapanovu ŭziać samy stratny teatr. Pry hetym jon mieŭ šykoŭnuju placoŭku, dobruju trupu. I zaraz u nas amal stopracentnaja napaŭnialnaść załaŭ i adnyja z samych vysokich zarobkaŭ u respublicy. My značna abnavili repiertuar, jon maje pryznańnie publiki. Naprykład, na samy paśpiachovy naš śpiektakl «Majstar i Marharyta» na paŭhoda napierad niemahčyma kupić bilet, i jon kaštuje ŭ try razy daražej za bilet u Teatr junaha hledača».
Jana taksama paviedamiła, što nie tak daŭno atrymała treciuju vyšejšuju adukacyju pa śpiecyjalnasci «upraŭleniec vyšejšaha źviana» (chutčej za ŭsio, Palakova-Makiej skončyła Akademiju kiravańnia). I pachvaliłasia tym, što adzin ź jaje talentaŭ — dobra ličyć i pradavać kvitki.
Śmierć Uładzimira Makieja ŭ kancy 2022 hoda zastajecca vialikaj zahadkaj.
Śpievaka z «Marafonu adzinstva» asudzili za palityku — pryhadali kamientary 2020-ha. Baranić u sud jaho chadzili siostry Hruździevy16
Kamientary