ZŠA ŭdziesiacioch i pry dvuch admienienych hałach pieramahli Bośniju i vyjšli ŭ 1/8 finału
Viadomyja ŭžo piać paraŭ nastupnaha raŭndu čempijanatu śvietu.
Zbornaja ZŠA siońnia nočču hulała z Bośnijaj i Hiercahavinaj.
Haspadary spabornictvaŭ zabili ŭ kancy pieršaha tajma: vyznačyŭsia Fałaryn Bałohun, u siaredzinie druhoha tajma jaho vydalili z pola za hruby foł.
Na 80‑j chvilinie Malik Tyleman pastaviŭ pieramožnuju kropku — 2:0. A pa chodzie hulni nie zaličyli dva hały amierykancaŭ: tahož Bałohuna i kapitana zbornaj Kryścijana Pulišyča z-za afsajdaŭ
U 1/8 finału ZŠA sustrenucca ź Bielhijaj.
Siońnia na mundyjali hulnia Ispanija — Aŭstryja (22:00).
U noč i pad ranicu piatnicy: Partuhalija — Charvatyja (02:00) i Šviejcaryja — Ałžyr.
Matčy 1/16 finału zavieršacca ranicaj u subotu, a viečaram u subotu pačnucca pajadynki 1/8 finału.
Užo viadomyja piać paraŭ:
Maroka — Kanada (subota, 20:00)
Francyja — Parahvaj (noč na niadzielu, 00:00)
Brazilija — Narviehija (niadziela, 23:00)
Mieksika — Anhlija (paniadziełak, 03:00)
ZŠA — Bielhija (aŭtorak, 03:00)
Zavieršacca hulni 1/8 finału ŭ aŭtorak, 7 lipienia. Čverćfinały — 9—12 lipienia.
Kamientary
Typovaja bałkanskaja kamanda. Kožny raz takija.
Prosta z roznych krain.
Maładyja zorački, jakija mrojać ab bujnych kłubach, pieramiešany z suvorymi dziad́kami za 30, jakija ŭžo zhubili chutkaść, zatoje hatovyja zabić luboha la svajoj štrafnoj. Dužy forvard napieradzie, charyzmatyčny kipier jaki šukaje novy kłub, luty 40-ahadovy dzied, bieź jakoha anijak, i trenier - byłaja supierzorka, jakaja ničoha nie treniravała, ale viedaje pałovu vieteranaŭ i kiraŭnictva svajoj krainy. I kali trenieram nie atrymajecca, budzie nastupnym prezidentam ci meram stalicy.