Tramp maje namier pastavić suśvietny rekord pa kolkaści zapuščanych fiejervierkaŭ u dzień 250‑hodździa niezaležnaści ZŠA
U subotu, 4 lipienia, u Vašynhtonie maštabna adznačać jubilej utvareńnia Złučanych Štataŭ.
Kulminacyjaj śviatkavańniaŭ stanie hrandyjozny fiejervierk: pa paviedamleńniach amierykanskich ŚMI, ź dziesiaci placovak u nieba budzie vypuščana 850 000 piratechničnych zaradaŭ. Šou praciahniecca 40 chvilin, piša Bild.
Dla paraŭnańnia, u apošnija hady tradycyjnyja fiejervierki ŭ stalicy ZŠA doŭžylisia maksimum 25 chvilin i ŭklučali kala 20 000 zaradaŭ. Na hety raz płanujecca pabić suśvietny rekord: zhodna z Knihaj rekordaŭ Hinesa, ciapier pieršynstvo trymaje śviatkavańnie Novaha hoda na Filipinach u 2016 hodzie, kali było zapuščana 810 000 fiejervierkaŭ.
Kamientujučy maštabnaje śviatkavańnie ŭ Vašynhtonie, Tramp zajaviŭ: «My praviadziom samy hrandyjozny mitynh Trampa ŭ historyi — u honar Amieryki!».
Krytyki, adnak, adznačajuć, što prezident prysvoiŭ sabie histaryčnuju datu, pieratvaryŭšy 250‑hodździe ZŠA ŭ maštabnuju akcyju samaŭźvialičvańnia.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam25
Kamientary